කැලණියේදී පැහැර ගනු ලැබූ පුංචි සෙනුනි සොයා ගනී ජනතාවගේ ආදායම් නංවමින් රට ඉදිරියට ගෙන යෑමට නීරෝගී පරපුරක් ඕනෑ මාධ්‍ය ඇමැති කෙහෙලිය ලේක්හවුසියට ඇවිත් මාධ්‍ය ලබා දුන් ප්‍රචාරය නිසා දැරිය සොයා ගැනීමට හැකි වුණා පාදුක්කේ නිවුන් දරුවෝ රජයේ භාරයට මුල්ම රණවිරු කොඩිය ජනපතිට පළදවයි රාජ්‍ය ඔසුසල්වලට බෙහෙත් කඩිනමින් සෝමාලියානු මුහුදු කොල්ලකරුවෝ ශ්‍රී ලාංකිකයන් 22ක් මුදා හරිති ශ්‍රී ලංකාවේ අපනයන වෙළෙඳාම 20%කින් ඉහළට වෙරළතීරයේ අනවසර ඉදිකිරීම් ඉවතට ජගත් හෙද දිනය අදයි අධිකරණ භුමියේ දී පැන ගිය ‘ කුඩු ඉන්දික’ දැලේ මාධ්‍ය ඇමැති පත්තර මහ ගෙදරට... ඇමැතිවරයකුට වඩා මාධ්‍ය හිතවතකු ලෙස සුහදව කටයුතු කිරීම මගේ අපේක්ෂාවයි නිවැරදි යහපත් අදහස් රටට ලබා දෙන උල්පතක් ලෙස ලේක්හවුස් පෙරමුණේ සිටිනවා සෑම සංවර්ධන ව්‍යාපෘතියකම ඉලක්කය රටේ අවශ්‍යතාවන්ට සරිලන සේ සකස් විය යුතුයි තමා මන්ත්‍රීවරයකු ලෙස නම් කරන්නැයි කේ. තිරුච්චෙල්වම්ගෙන් ඡන්ද පෙත්සමක් රජයේ රෝහල්වල සේලයින් හිඟයක් නෑ ශ්‍රී ලංකා මහ බැංකුවේ අවසරයකින් තොරව බැංකු ගිණුමක මුදල් තැන්පත් කිරීමට රවී අනුබල දීලා

මාධ්‍ය ලබා දුන් ප්‍රචාරය නිසා දැරිය සොයා ගැනීමට හැකි වුණා

-පොලිස්පති

විජයානි එදිරිසිංහ

පසුගියදා (09) කැලණි විහාරයේදී පැහැර ගැනීමට ලක්වූ සෙනුනි නිමංශා මාපලගම දැරිය පිළිබඳ විද්‍යුත් සහ මුද්‍රිත මාධ්‍ය විසින් කරන ලද පුළුල් ප්‍රචාරය නොවන්නට දැරියගේ ඉරණම මීට වඩා වෙනස් ආකාරයකට සිදුවීමට ඉඩ තිබූ බව පොලිස්පති මහින්ද බාලසූරිය මහතා පැවැසීය.

දැරිය සොයා ගැනීමෙන් අනතුරුව පොලිස් මූලස්ථානයේ ඊයේ (11) පස්වරුවේ පැවැත්වූ මාධ්‍ය හමුවේදී මාධ්‍ය කළ මෙහෙවරට ස්තුති කරමින් පොලිස්පතිවරයා එසේ පැවැසීය. පැහැර ගැනීමට ලක්වූ සෙනුනි නිමංශා දැරිය සහ ඇගේ මවුපියන්ද එම අවස්ථාවට කැඳවා තිබුණි.

පැහැර ගැනීමට ලක්වූ දැරිය පිළිබඳව තොරතුරු ලබාදෙන අයකුට රුපියල් ලක්ෂ දහයක මුදලක් ත්‍යාග වශයෙන් පිරිනමන බවටද ඊයේ පොලිස්පති මහින්ද බාලසූරිය මහතා දැනුම් දී තිබුණි.

දැරිය පැහැරගත් අවස්ථාවේ සිට දිනපතාම මාධ්‍ය පුළුල් මෙහෙවරක් කළ බවත් එම ප්‍රචාරය තුළින් රට පුරා සෑම කෙනෙකුම දැඩි සානුකම්පිකව මේ පිළිබඳව අවධානය යොමු කර තිබුණි. එහි ප්‍රතිඵලයක් වශයෙන් දරුවා සොයා ගැනීමට හැකිවූ බැවින් සියලුම මාධ්‍යයට මේ සම්බන්ධව ස්තුති කරන බවද පොලිස්පතිවරයා පැවැසීය.