ජෙනරල්ගේ මන්ත්‍රීධුරය අහෝසි කරන්න බෙහෙත් හිඟය දින 10කදී සම්පූර්ණයෙන් මඟ හරවනවා මහා මාර්ග නඩත්තුවට පොදු වැඩපිළිවෙළක් ඕනෑ අවතැන්වූවන් වෙනුවෙන් සහන කඳවුරු 39ක් ගංවතුර ගැන ආණ්ඩුවෙන් අද විශේෂ ප්‍රකාශයක් නාරද දිසාසේකර අභාවප්‍රාප්ත වෙයි තායිලන්ත රතු කමිස නායකයෝ යටත් වෙති ‘ලයිලා’ සුළි කුණාටුව දිවයිනෙන් බැහැරට සිසු ගැටුමක් හේතුවෙන් කැලණිය සරසවියේ අධ්‍යයන කටයුතු නවතී රත්නපුරේ ප්‍රදේශ රැසකට හදිසි ආපදා තත්ත්වයක් පළාත් පාලන ආයතනවල දුර්වලතා නිසා ඉවුරු-බැමි කඩා වැටුණා පිහියෙන් බෙල්ල කපා එක් දරු පියකු මරා දමලා “බුදුසරණ” කථික තරගය ජුනි 5 වැනිදා මිහින්තලේදී යාපනයේ දමිළ චිත්‍රපට සතියක් ‘නැණස’ තක්සලාව ශිෂ්‍යත්ව අතිරේකයත් වැඩමුළු මාලාවත් විභාගයට මහඟු අත්වැලක් විපතට පත්වූවන්ට නාවික හමුදාවෙන් ආධාර උපකාර

නාරද දිසාසේකර අභාවප්‍රාප්ත වෙයි

ජනප්‍රිය ගායකයකු හා සංගීතඥයකු වූ නාරද දිසාසේකර මහතා ඊයේ (19) අභාවප්‍රාප්ත විය. සරසවි සම්මානයෙන් පිදුම් ලැබූ පළමු ගායකයා වූ දිසාසේකර මහතා නවක රංගන ශිල්පි සාරංග දිසාසේකරගේ පියාණන් ය.

ශ්‍රී ලංකා ගුවන් විදුලි සංස්ථාවේ ඉංජිනේරු අංශයේ කාර්මික ශිල්පියකු ලෙස ද පසුව සංගීත අංශයේ වැඩසටහන් නිෂ්පාදකවරයකු වශයෙන් ඔහු කටයුතු කෙළේය. ‘රන්මුතු දූව‘ චිත්‍රපටයට ‘පිපී පිපී රේණු නටන’ ‘ගලන ගඟකි ජීවිතේ’ යන ගීත ගායනා කරමින් සරසවි සම්මානයට පාත්‍ර වූ දිසාසේකර මහතා ගුවන් විදුලියට ගායනා කළ ‘මුළු හදින් මම ඇයට පෙම් කොට’ ගීතයෙන් ඉමහත් ජනාදරයට පත් විය.

හතර කේන්ද්‍රය, මනමාලයෝ ඇතුළු චිත්‍රපට කිහිපයකට සංගීතය අධ්‍යක්‍ෂණය කර ඇති දිසාසේකර මහතා ආදර නිල් දෑසේ, සිහින සතක්, පුෂ්ප මකරන්ද, නාමලින් දිනූ ලියන්, මේ භවයෙදි මුළු දිය දහරේ, ඇය පමණයි මගේ මිහිර, චන්දන ඇඟ ගාලා යන ගීතවලින් ඉතාම ජනප්‍රියත්වයට පත් විය.

දිසාසේකර මහතාගේ මෘත දේහය 26 ඒ, වැටකෙහියාවල පාර, උඩහමුල්ල, නුගේගොඩ නිවසේ තැන්පත් කර ඇති අතර අවමංගල කටයුතු පසුව දැනුම් දෙනු ලැබේ.