ජෙනරල්ගේ මන්ත්‍රීධුරය අහෝසි කරන්න බෙහෙත් හිඟය දින 10කදී සම්පූර්ණයෙන් මඟ හරවනවා මහා මාර්ග නඩත්තුවට පොදු වැඩපිළිවෙළක් ඕනෑ අවතැන්වූවන් වෙනුවෙන් සහන කඳවුරු 39ක් ගංවතුර ගැන ආණ්ඩුවෙන් අද විශේෂ ප්‍රකාශයක් නාරද දිසාසේකර අභාවප්‍රාප්ත වෙයි තායිලන්ත රතු කමිස නායකයෝ යටත් වෙති ‘ලයිලා’ සුළි කුණාටුව දිවයිනෙන් බැහැරට සිසු ගැටුමක් හේතුවෙන් කැලණිය සරසවියේ අධ්‍යයන කටයුතු නවතී රත්නපුරේ ප්‍රදේශ රැසකට හදිසි ආපදා තත්ත්වයක් පළාත් පාලන ආයතනවල දුර්වලතා නිසා ඉවුරු-බැමි කඩා වැටුණා පිහියෙන් බෙල්ල කපා එක් දරු පියකු මරා දමලා “බුදුසරණ” කථික තරගය ජුනි 5 වැනිදා මිහින්තලේදී යාපනයේ දමිළ චිත්‍රපට සතියක් ‘නැණස’ තක්සලාව ශිෂ්‍යත්ව අතිරේකයත් වැඩමුළු මාලාවත් විභාගයට මහඟු අත්වැලක් විපතට පත්වූවන්ට නාවික හමුදාවෙන් ආධාර උපකාර

තායිලන්ත රතු කමිස නායකයෝ යටත් වෙති

සති හයක කාලයක් තිස්සේ පැවැති තායිලන්ත රාජ්‍ය විරෝධී අරගලය ඊයේ නිමා වූයේ රතු කමිස ධාරී නායකයන් පොලිසියට යටත් වීමත් සමඟය.

රතු කමිස ධාරී රාජ්‍ය විරෝධීන් බැංකොක් අග නගරයේ ඉදි කැර තිබුණු බාධක කඳවුරු තුළට ඊයේ උදේ හමුදා සන්නද්ධ රථ ඇතුළු වීමත් සමග අරගල නායකයන් සිවු දෙනකු පමණ පොලීසියට බාර වී ඇත.

කඳවුර අත් හැර ඉවත්ව යන ලෙසත් අග නගරයෙන් බැහැර වීම සඳහා රජයෙන් බස් රථ යොදවා ඇති බවත් නායකයෝ සිය අනු ගාමිකයන්ට ප්‍රකාශ කළහ. පොලිස් අත් අඩංගුවේ පසුවන ජ්‍යෙෂ්ඨ නායකයකු වන ‘නට්ටාවුට් - සායිකෝර්’ රූපවාහිනියට පවසා ඇත්තේ තම අනුගාමිකයින්ට කඳවුරු බිමින් ඉවත්ව ගම් බිම් බලා යන ලෙස ඉල්ලා සිටි බවය. ගම් බිම් බලා යන හැමට පොලිස් ආරක්ෂාව සැලසෙන බවත් ආරක්ෂිතව ඔවුන් ගම් ප්‍රදේශ වලට යනු ඇතැයි අපේක්ෂා කරන බවත් ඔහු කීවේය.

මීට කලින් කඳවුරු බිමේදී හැඟුම්බර අනුගාමිකයන් හමුවේ කඳුළු පිරි දෙනෙතින් යුතුව නායකයින් කියා සිටියේ තවදුරටත් පුද්ගලයන් ජීවිතක්ෂයට පත්වීම වළකාලීම සඳහා නොකමැත්තෙන් වුව සටන අත්හරින බවය.

‘හමුදාව කඳවුර ආක්‍රමණය කළ විට තව බොහෝ මරණ සිදු විය හැකියි. එය එසේ වනු දැකීමට අපට ඉහිලිය නොහැකියි. අපේ තීරණය ඔබ බොහෝ දෙනකු නොපිළි ගන්නවා විය හැකි නමුත් ඔබේ ජීවිත වෙනුවෙන් හා ආරක්ෂාව වෙනුවෙන් අපේ නිදහස පරදුවට තබමු’ යැයි ඔවුහු කීහ.