ජපාන විකිරණ සුළඟ හරහා ශ්‍රී ලංකාවට පැමිණ නැහැ
පරමාණු බලශක්ති අධිකාරිය අවධාරණය කරයි
ජපානයේ සිට කිසිදු විකිරණ ද්‍රව්‍යයක් වායුගෝලය හරහා මෙරටට පැමිණ නොමැති බව
පේරාදෙණිය විශ්ව විද්‍යාලයේ භෞතික විද්‍යා අධ්‍යයන අංශය හා පරමාණු බලශක්ති අධිකාරිය
ඒකාබද්ධව දිවයින පුරා සිදුකරන ලද පරීක්‍ෂණ මගින් තහවුරු වී ඇත.
මේ හේතුවෙන් ජනතාව අනියත බියක් ඇතිකර නොගත යුතු බව පර්යේෂකයෝ පවසති. කොළඹ, මහනුවර,
අනුරාධපුර, ගාල්ල, ත්‍රිකුණාමලය හා යාපනය නගර මූලික කර ගනිමින් මෙම පරීක්‍ෂණ සිදුකර
තිබේ.
පේරාදෙණිය විශ්වවිද්‍යාලයේ භෞතික විද්‍යා අධ්‍යයන අංශයේ (අංශ ප්‍රධානී ආචාර්ය
නිමල් හෙට්ටිආරච්චි, ආචාර්ය රංජිත් විජේවර්ධන යන මහත්වරු ඇතුළු කණ්ඩායමක් වායුගෝලයේ
විකිරණ පරීක්‍ෂාව දෛනිකව සිදුකරනු ලබති.
විස්තර » |
ශ්‍රී
ලංකාවේ ප්‍රථම අග්‍රාමාත්‍ය මහාමාන්‍ය ඩී. ඇස්. සේනානායක මහතාගේ 59 වැනි ගුණ සමරු
උළෙල අද (22) පස්වරු 4.00 ට කොළඹ 07, නිදහස් චතුරශ්‍රයේ ඩී. ඇස්. සේනානායක පිළිරුව
අභියසදී පැවැත්වේ. ශ්‍රී ලංකා අමරපුර මහා සංඝ සභාවේ සභාපති අග්ගමහා පණ්ඩිත කොටුගොඩ
ධම්මාවාස අනුනායක ස්වාමීන්ද්‍රයන් වහන්සේගේ අනුශාසනාවෙන් ආරම්භ වන මේ උත්සවයට
අග්‍රාමාත්‍ය දි. මු. ජයරත්න මහතාද එක්වීමට නියමිතය.
ලබන මස 3 වැනි දින ස්විට්සර්ලන්තයේ මහ මැතිවරණය සඳහා එරට ප්‍රධානතම දේශපාලන පක්ෂයක්
වූ ඕල්ටනේටිව් පක්ෂයෙන් ඩිකෝන් පළාතට ශ්‍රී ලාංකිකයෙක් තරග කරයි. ශ්‍රී ලාංකිකයකු
ස්විස් පාර්ලිමේන්තු මැතිවරණයකට ඉදිරිපත් වන ප්‍රථම අවස්ථාව මෙයයි.
ඔහු කොළඹ මරදානේ පදිංචිව සිටි කාමිල් ඉසදීන් ය. මරදාන ශාන්ත ජෝශප් විද්‍යාලයේ
ඉගෙනුම ලබා ඇති ඉසදීන් මීට වසර 22කට පෙර දී උසස් අධ්‍යාපනය සඳහා ස්විට්සර්ලන්තයට
ගොස් ඇත.
එහි දී නිවාස හා දේපළ නීතිය පිළිබඳ උපාධිය ලබාගත් ඔහු දැනට එම අංශයේ උපදේශකවරයෙකු
ලෙස කටයුතු කරයි. ස්විට්සර්ලන්තයේ ශ්‍රී ලංකා ක්‍රිකට් ක්‍රීඩා සමාජය පිහිටුවීමේ දී
පුරෝගාමී මෙහෙවරක් ඉටුකොට ඇත්තේ ද ඉසදීන් බව එරට සිටින ශ්‍රී ලාංකිකයෝ පවසති. 
