ශ්‍රී ලංකා-ජපන් ගුවන් ගමන් අඛණ්ඩව ජපාන විකිරණ සුළඟ හරහා ශ්‍රී ලංකාවට පැමිණ නැහැ ඩී. ඇස්. සේනානායක ගුණසමරු උළෙල අද ‘ස්විස්’ මහ ඡන්දයට පළමුවරට ශ්‍රීලාංකිකයෙක් කොළඹ හෝටල් 100කට නගර සභාවෙන් නඩු ශ්‍රී ලාංකික තරුණිය ලෙබනනයේ ගොඩනැඟිල්ලකින් වැටී මරුට මවුකිරි සිර වී තෙමස් වයසැති බිලිදා මිය යයි මට ලැබුණේ බෝසත් සැමියෙක්: ඔහු වැනි අයකුට සිදුවූ මේ විපත දරා ගන්න බෑ මහා පරිමාණ ගණිකා නිවාසයක් වටලා තරුණියන් 4ක් අත්අඩංගුවට අරන් රාජකාරිය පැහැර හැර මිනිසුන් බියවද්දමින් මහනුවර යකා නැටූ කොස්තාපල් දැලේ වෑන් රිය පැදවූ සැකකාර රියැදුරා 28 වැනිදා තෙක් යළිත් රිමාන්ඩ් පේරාදෙණිය මල්වත්ත නරඹමින් සිටි අතරේ වෑන් රථය පැහැරගෙන

රාජකාරිය පැහැර හැර මිනිසුන් බියවද්දමින් මහනුවර යකා නැටූ කොස්තාපල් දැලේ

ඉන්දික පොල්කොටුව

පොලිස්පතිවරයාට අයත් මහනුවර පිහිටි නිවසක ආරක්ෂක රාජකාරි සඳහා අනුයුක්ත කෙරුණු පොලිස් කොස්තාපල්වරයකු එහි රාජකාරි සඳහා වාර්තා නොකර බීමතින් මහනුවර නගරයේ සිට විවිධ පුද්ගලයන් බියගන්වා කප්පම් ගැනීමට උත්සාහ කළ බවට සැකපිට මධ්‍යම දිසා විශේෂ විමර්ශන ඒකකය මගින් අත්අඩංගුවට ගෙන තිබේ.

මහනුවර මූලස්ථාන පොලිසිය මගින් අදාළ විශේෂ රාජකාරිය සඳහා අනුයුක්ත කෙරුණු නිලධාරියා එම රාජකාරිය සඳහා වාර්තා නොකර බීමතින් මෙලෙස කප්පම් ගැනීමට උත්සාහ කැර ඇති බවට තොරතුරු ලැබී ඇත.

පොලිස් නිලධාරියකු බව පවසමින් සිවිල් ඇඳුමෙන් සැරසුණු අයකු බීමතින් නගරයේ සිට විවිධ පුද්ගලයන් බියගන්වා හැඳුනුම්පත් ආදිය පරීක්ෂා කරන බවට ලද තොරතුරක් මත පොලිස් නිලධාරීහු පිරිසක් මොහු අත්අඩංගුවට ගෙන ඇත. පොලිස් නිලධාරීන් ලෙස පෙනී සිටිමින් විවිධ පුද්ගලයන් බියගන්වා ඔවුන්ගෙන් කප්පම් මුදල් ලබාගන්නා පිරිස් පිළිබඳව මහනුවර පොලිසියට මෙයට පෙර තොරතුරු රැසක් ලැබී තිබිණි.

අත්අඩංගුවට ගැනුණු නිලධාරියා ද මෙවැනි සිද්ධීන්වලට සම්බන්ධදැයි සොයා පොලිසිය පරීක්ෂණය ආරම්භ කැර ඇත.

වැඩිදුර පරීක්ෂණ පැවැත්වේ.

.