පිළිකාව නිට්ටාවට සුව කරන්න දේශීය ඖෂධයක් සොයා ගැනේ
පිළිකාව නිට්ටාවට සුව කරන්න
දේශීය ඖෂධයක් සොයා ගැනේ
රක්ෂණ ශ්‍රියන්ත
පිළිකා රෝගය නිට්ටාවටම සුවකර ගත හැකි නව ඖෂධයක් පාරම්පරික දේශීය
වෛද්‍යවරයෙකු වන මහනාම ඒ. හපුගොඩ මහතා විසින් නිපදවා තිබේ.
එම පිළිකා මර්දන ඖෂධය තුළින් පිළිකාවට ලක්ව ඇති රෝගීන් මාස තුනක් වැනි කෙටි
කලකදී එම රෝග තත්ත්වය නිට්ටාවටම සුවපත් කළ හැකි බව වෛද්‍ය මහනාම මහතා පෙන්වා
දෙයි.
මේ ඖෂධය පුරාණ පුස්කොළ පොතක් ඇසුරෙන් දේශීය ඖෂධ දෙසීයක් හා තවත් වත්පිළිවෙත්
අනුව නිෂ්පාදනය කරන බව ඊයේ (24) කොළඹ රාමඩා හෝටලයේ පැවති විශේෂ මාධ්‍ය හමුවකදී
වෛද්‍ය මහනාම මහතා අනාවරණය කළේය.
විවිධ වර්ගයේ පිළිකා රෝගයන්ගෙන් පීඩා විදී රෝගීන් කිහිප දෙනෙකු වෛද්‍ය මහනාම
මහතාගෙන් ප්‍රතිකාර ලබා ගත් බවත් ඉන් පසු තමන් සුවපත් වූ බවත් ස්කෑන් පරීක්ෂණ
හා වෛද්‍ය වාර්තා ඇසුරෙන් මාධ්‍යවේදීන් දැනුවත් කළේය.
එහිදී වැඩිදුරටත් අදහස් දැක්වු වෛද්‍ය මහනාම ඒ හපුගොඩ මහතා මෙසේද පැවසීය.
පිළිකා රෝගයට ප්‍රතිකාර ලබා ගැනීමට පැමිණෙන රෝගීන් ලුණු සහ ඇඹුල් ආහාරයට
නොගෙන පැමිණිය යුතු අතර මා විසින් රෝගියාට ලබාදෙන බෙහෙත තුළින් කොපමණ දරුණු
පිළිකා රෝගියෙකු වුවත් පැය01 විනාඩි 12කදී සුව අතට හැරෙනවා. ඉන්පසු වනාඩි 20, 35,
55 අතර කාලසීමාවකදී රෝගියා මාගේ වේදනාව දැන් සුවයි කියා පවසන විනාඩි ගණන අනුව
ඔහුට හෝ ඇයට ඇත්තේ මාංශ පිළිකාවක්ද, ගෙඩි පිළිකාවක්ද කුමන වර්ගයේ පිළිකාවක්ද
කියා තේරුම් ගැනීමේ ශක්තියක් තිබෙනවා.
බටහිර ඖෂධ ප්‍රතිකාර නොකළ රෝගීන් සඳහා සති 3ක කාල සීමාවකදී පිළිකා රෝගය
සම්පූර්ණයෙන් සුවකළ හැකි අතර, බටහිර ප්‍රතිකාරවලින් එන්නත් හා විදුලිය
අල්ලා ඇති රෝගීන් සඳහා මාස 2ක් පමණ ගතවන බවත්, අසාධ්‍ය රෝගීන් සදහා මාස 3ක් පමණ ගත
වන බවත් පැවැසීය.
පිළිකා රෝගින්ට අමතරව ඇදුම, පීනස, දියවැඩියාව, අංශභාග, ඇඟ කෙට්ටු‍වීම, වසවිෂ
ශරීර ගතවු හා කොලොස්ටරෝල් රෝගීන් ද තමා විසින් නිට්ටාවටම සුවපත් කර තිබෙන බවත්
මහනුවර ලේවැල්ල , බංගලාවත්ත හන්දියේ පිහිටී සැසි වෙද මැදුරේදී ප්‍රතිකාර
ලබාගත හැකි යැයි ඒ මහතා වැඩිදුරටත් පැවැසීය.
.
| 
කර්තෘට ලියන්න
මුද්‍රණය සඳහා
