හොර පාරෙන් ඔස්ට්‍රේලියා යන්න ගිහින් අතරමං වූ 28ක් බේරා ගැනෙති
හොර පාරෙන් ඔස්ට්‍රේලියා යන්න ගිහින් අතරමං වූ 28ක් බේරා ගැනෙති
මහින්ද අලුත්ගෙදර සහ රක්ෂණ ශ්‍රියන්ත
 ඔස්ට්‍රේලියාව බලා පිටත්ව යාමට ගොස් මුහුදේ අතරමංව සිටි පුද්ගලයන් 28 දෙනකු
නාවික හමුදාව බේ‍රාගෙන ඇත.
ශ්‍රී ලංකාවේ සිට නාවික සැතපුම් 300ක් පමණ දුරින් පිහිටි මුහුදේදී මේ පිරිස
ගමන්ගත් යාත්‍රාව යාන්ත්‍රික දෝෂයක් හේතුවෙන් අනතුරට පත්ව තිබෙන අතර එය දැන
ගැනීමත් සමඟ වහාම ක්‍රියාත්මක වී අනතුරට පත් යාත්‍රාව බේරා ගැනීමට පියවර ගත්
බව නාවික හමුදා මාධ්‍ය ප්‍රකාශක කමාන්ඩර් කෝසල වර්ණකුලසුරිය මහතා සඳහන්
කළේය.
වෙළෙඳ නෞකාවක් මාර්ගයෙන් අදාළ පුද්ගලයන් බේරාගැනීමට කටයුතු කළ අතර පසුව
නාවික හමුදා නෞකාවක ආධාරයෙන් මේ පිරිස
ඊයේ (29) පෙරවරුව වනවිට ගාල්ල වරායට රැගෙන ආ බව ද මාධ්‍ය ප්‍රකාශකවරයා
සඳහන් කළේය.
ඕස්ට්‍රේලියාව බලා යාමට මේ පිරිස පසුගිය 13දා වාලච්චේන ප්‍රදේශයෙන් පිටත්ව
ගොස් තිබෙන බවට අනාවරණය කරගත් බවත් මෙලෙස බේරාගත් පිරිස අතර පිරිමින් 23
දෙනෙකු, කාන්තාවන් සිව් දෙනෙකු සහ කුඩා පිරිමි ළමයෙකු සිටි බවද ඔවුන් යාපනය,
මුලතිවු, මඩකලපුව, වැල්ලවත්ත හා වවුනියාව ප්‍රදේශවල පදිංචිකරුවන් බවද
කමාන්ඩර් කෝසල වරුණකුලසූරිය මහතා පැවසීය.
වැඩිදුර විමර්ශනය සඳහා මොවුන් අපරාධ පරීක්ෂණ දෙපාර්තමේන්තුවට බාරදීමට
නියමිතය.
.
| 
කර්තෘට ලියන්න
මුද්‍රණය සඳහා
