ගල්අඟුරු නිධි පවරා දීමට එරෙහි ජනතා උද්ඝෝෂණයට කළු ගෑස් විවේචන ඉවසිය නොහැකිව ලිබියා අභ්‍යන්තර ක‍ටයුතු ඇමැති තනතුර අත්හරී ඉසාක් කුණාටුවට බියෙන් රිපබ්ලිකන් පක්ෂ සම්මේලනයත් අත්හිටුවයි ප්‍රහාරයකට බියෙන් පාකිස්තානයේ වයඹදිග වැසියෝ බුරුතුපිටින් ගම්බිම් හැර යති දැඩි රෂ්මියෙන් මොහොතකට මිදී . . . . . පාකිස්තාන ජනපතිට එරෙහි දූෂණ නඩුව යළි කරළියට

ගල්අඟුරු නිධි පවරා දීමට එරෙහි ජනතා උද්ඝෝෂණයට කළු ගෑස්

සෝනියා-මන්මෝහන්ගේ නිවෙස් වෙත යෑමත් වැළකේ

නවදිල්ලිය-ඒ. එෆ්. පි

ගල්අඟුරු නිධි පවරා දීමට එරෙහි ඉන්දියාවේ ජනතා උද්්ඝෝෂණයේ අවස්ථාවක්

ඉන්දියාවේ ගල්අඟුරු නිධි පවරා දීමේ මතභේදාත්මක ප්‍රශ්නය හේතු කොටගෙන කුපිත වූ සිය ගණනක පිරිස පෙරේදා නවදිල්ලියේ උද්ඝෝෂණ පෙළපාළි පැවැත්වූ අතර ඔවුන් විසුරුවාලමට පොලීසිය කදුළු ගෑස් ප්‍රහාර එල්ල කර ඇත.

මේ උද්ඝෝෂකයන් අගමැති මන්මෝහන්සිංගේ හා කොංග්‍රස් නායිකා සෝනියා ගාන්ධිගේ නේවාසික ස්ථාන වෙත ගමන් කිරීමට තැත් කිරීමේදී පොලීසිය ඔවුන්ට ජල තුවක්කු ප්‍රහාර එල්ල කළ බව ද සඳහන්ය.

විනිවිදභාවයෙන් තොර ක්‍රියාවලියකින් ගල්අඟුරු නිධි කැණීමේ අයිතිය පෞද්ගලික සමාගම්වලට පැවරීමෙන් එම සමාගම් 2004 සිට අධි ලාබ ලබාගෙන ඇති අතර ඉන් රජයට හිමිවිය යුතු විශාල ධනස්කන්ධයක් අහිමිවූ බවට විගණකාධිපති වාර්තාවක් නිකුත් වීමෙන් පසු අගමැති සිංට එරෙහි දැඩි විරෝධයක් මතුව තිබේ.

පොලිසිය කඳුළු ගෑස් ප්‍රහාර එල්ල කොට උද්ඝෝෂකයන් පලවා හැරීමට යත්න දරයි.

2004-2009 අතර කාලයේ ගල් අඟුරු කටයුතු ඇමැති ධුරය දරන ලද්දේ ද මන්මෝහන් සිං විසිනි .

එහෙත් ඉන්දීය රජය පවසා ඇත්තේ එවකට විවෘත ටෙන්ඩර් කැඳවීමකට ගත් ප්‍රයත්නයට විපක්ෂ භාරතීය ජනතා පක්ෂයේ බලය පැවැති ප්‍රාන්ත ආණ්ඩු විරෝධය පළ කළ බවය.

මේ සම්බන්ධයෙන් ජනප්‍රිය දූෂණ විරෝධී ක්‍රියාකාරිකයකු වන අන්නා හසාරේ පවසන්නේ රජයත් විරුද්ධ පක්ෂය වන භාරතීය ජනතා පක්ෂයත් අතිනත ගෙන මෙහිදී කටයුතු කර ‍ඇති බවය.

.