අසරණ දෙදරු පියාට ඔබගේ උපකාරය ඕනෑ ශ්‍රේෂ්ඨාධිකරණය ආණ්ඩු ක්‍රම ව්‍යවස්ථාව උල්ලංඝනය කරලා දිවි නැඟුම පනත් කෙටුම්පත සියලු පළාත් සභාවල සම්මතයි ද.ආසියා ගුරු සංවර්ධන මධ්‍යස්ථානය ජනපති අතින් මීපේ දී විවෘත කෙරේ ණය සහන මණ්ඩලයෙන් විශාල පිරිසකට සෙත සතියක දී පන්සියයකට පිහිට මාලිනී යළි මැති සබයට ලංකා පුවත් පතින් දළදා මාලිගාවට අපහාස කරලා ගැහැනු දරුවාගේ අන්තර්ජාතික දිනය හෙට ශ්‍රී ලංකා යුද හමුදාවට වසර 63යි කොරෙක්ස් තහනම් ඇදුරු වැඩ වැරුම හෙටින් අවසන් කන්ටේනරයේ ගැටී ත්‍රිරෝද රියෙන් ගිය 3ක් නොඑන ගමන් යති ලෝක දෘෂ්ටි දිනය හෙට

ඇදුරු වැඩ වැරුම හෙටින් අවසන්

සමන්මලී ප්‍රියශාන්ති

මාස තුනකට අධික කාලයක් ක්‍රියාත්මක කළ වැඩවර්ජනය හෙට (11) දහවල් වන විට නතර කිරීමට හැකිවෙතැයි විශ්වාස කරන බව විශ්වවිද්‍යල ආචාර්යවරුන්ගේ වෘත්තීය සමිති සම්මේලනයේ ලේකම් ආචාර්ය ටෙරන්ස් මදුජිත් මහතා "දිනමිණ"ට පැවසීය.

ආචාර්යවරුන‍්ගේ වැටුප් සම්බන්ධයෙන් වු ඉල්ලීමට මුදල් අමාත්‍යංශ ලේකම්වරයා ලබා දුන් නව වැටුප් රාමුව සියලු විශ්වවිද්‍යාලවල කණිෂ්ඨ සංගම්වලට අද (10) දිනයේ යොමු කිරීමට බලාපොරොත්තු වන බවත් කණිෂ්ඨ සංගම්වල අනුමැතිය හිමි වු පසු එම ලියවිල්ල විධායක කමිටුවට යොමු කර අනුමත කරවා ගත යුතු බවත් මදුජිත් මහතා කීවේය. විධායක කමිටුවේ අනුමැතිය ප්‍රකාශයට පත් කළ පසු වැඩවර්ජනය නතර කිරීමට පියවර ගන්නා බව ද ඒ මහතා කීය.

විශ්වවිද්‍යාල ආචාර්යවරු සඳහා සකස් කළ නව වැටුප් රාමුව සම්බන්ධයෙන් මුදල් අමාත්‍යංශය හා විශ්වවිද්‍යාල ආචාර්යවරුන්ගේ වෘත්තීය සමිති සම්මේලනය අතර එකඟතා ගිවිසුමක් ද අත්සන් කළ බව එම සංගමයේ උප සභාපති දඹර අමිල හිමියෝ පැවසුහ.

වැඩවර්ජනය නතර කළ පසු මෙතෙක් අතපසු වු විභාග, පාඨමාලා හා දේශන ආදිය වැඩි කාලයක් යොදවා අධිවේගයෙන් පවත්වන්නට පියවර ගන්නා බවත් උසස් පෙළ උත්තර පත්‍ර ඇගයීමේ කටයුතු ද වෙනදාට වඩා වැඩි වේගයෙන් නිම කිරීමට කටයුතු කරන බවත් උන් වහන්සේ පැවසූහ.

.