ශ්‍රී ලංකා ක්‍රිකට් නිළ මඩුල්ල විසුරුවයි
ශ්‍රී ලංකා ක්‍රිකට් නිළ මඩුල්ල විසුරුවයි
අතුරු කමිටුවට 9ක් : සභාපති සිදත්
ප්‍රින්ස් ගුණසේකර
ශ්‍රී ලංකා ක්‍රිකට් නිල මඩුල්ල විසුරුවා අතුරු කමිටුවක් පත් කිරීමට ක්‍රීඩා හා
සංචාරක ඇමැති නවීන් දිසානායක මහතා පියවර ගෙන ඇත.එම ක්‍රිකට් අතුරු කමිටුවේ
සභාපති ලෙස හිටපු ටෙස්ට් ක්‍රිකට් ක්‍රීඩක සිදත් වෙත්තමුණි මහතා පත් කොට ඇති අතර
කමිටුව සාමාජිකයින් 9කින් සමන්විත වේ.හිටපු ක්‍රිකට් පරිපාලකයින්
කිහිපදෙනෙකු හා හිටපු ක්‍රීඩකයින් කිහිප දෙනෙකු මෙම අතුරු කමිටුවට ඇතුලත්
බව වාර්තා වේ.
මෙවර පත්කළ ක්‍රිකට් අතුරු කමිටුවට උප සභාපතිවරයෙකු පත්ව ඇති
අතර මෙයට පෙර අතුරු කමිටු පත් කිරීමේදී එවැනි තනතුරක් නොතිබුණි.සභාපති ධූරයට
පත්වූ සිදත් වෙත්තමුණි මහතා වසර 2011 පත් කළ ක්‍රිකට් අතුරු කමිටුවේ
සාමාජිකයෙකු ලෙස කටයුතු කළ අතර ජාතික ක්‍රිකට් තේරීම් කමිටු සභාපතිවරයෙකු
ලෙසද කටයුතු කළේය.
ශ්‍රී ලංකා ක්‍රිකට් නිලවරණය අප්‍රේල් මස 30 වැනිදාට යෙදී තිබියදී මෙම අතුරු
කමිටුව පත් කළද එය ඉතා කෙටි කාලයකට ක්‍රීයාත්මක බව වාර්තාවේ.ශ්‍රී ලංකා
ක්‍රිකට් ආයතනයේ සිදුවී ඇතැයි කියන දූෂණ වංචා පිළිබඳව නිවැරදිව සොයා බැලීමේ
අවශ්‍යතාව ක්‍රීඩා සමාජ කිහිපයක් හා විධායක කමිටු සාමාජිකයින්
කිහිපදෙනෙකු ක්‍රීඩා ඇමැතිවරයාගෙන් කරණ ලද ඉල්ලීම් සලකා බලා මෙම තීරණය ගත්
බව ක්‍රීඩා අමාත්‍යාංශ ආරංචි මාර්ග පවසයි.
මෙලෙස ක්‍රිකට් අතුරු කමිටුවක්
පත්කිරීමේදී ජාත්‍යන්තර ක්‍රිකට් කවුන්සිලයේ බාධා ඇති නොවන අයුරින් පත්
කිරීම් සිදුකරන බවද එම ආරංචි මාර්ගවලින් අනාවරණය විය. ශ්‍රී ලංකා ක්‍රිකට්
ආයතනයට එරෙහිව අල්ලස් හෝ දූෂණ කොමිෂන් සභාවට පැමිණිල්ලක් යොමුව ඇති අතර ඒ
පිළිබඳව සොයා බැලීමද සිදුවෙම්න් පවතී.එමෙන්ම ඉන්දීය ක්‍රිකට් පිල ශ්‍රී ලංකාවේ
කළ සංචාරයේදී ක්‍රිකට් තරග පාවාදීමක් පිළිබඳ ආන්දෝලනාත්මක චෝදනාවක්
ක්‍රිකට් විධායක කමිටු සාමාජිකයෙකු නගා තිබීමද කැපී පෙනේ.
ක්‍රිකට් පරිපාලනයේ අර්බුද පැන නැගී බොහෝ අවස්ථාවල හිටපු ක්‍රීඩා
ඇමැතිවරුන් සියලු දෙනාම ක්‍රිකට් අතුරු කමිටු පත් කිරීමට පියවර ගත් අතර ගැටලු
නිරාකරණය වූ වහාම නිලවරණ කැදවා ක්‍රීඩා සමාජවලට බලය ලබා දුන්හ.සියලුම
ලියාපදිංචි ක්‍රීඩා සමාජවල නිලවරණ මැයි 31 වැනිදාට පෙර පැවැත්විය යුතු බව
ක්‍රීඩා අමාත්‍යාංශයේ නව නියෝග අනුව සිදුවිය යුතුය.
| 
කර්තෘට ලියන්න
මුද්‍රණය සඳහා
