ත්‍රස්තවාදය පරදා ලද විජයග්‍රහණය විදෙස් බලපෑම් මත පාවා දෙන්න බෑ ජානිපෙ සභාපති විමල් වීරවංශ මාරාන්තික උපවාසයක් අරඹයි එ.ජා. සංවිධානයේ කොළඹ කාර්යාලය වැසේ බිලිඳු දැරියක විකිණීමේ සිද්ධියට සම්බන්ධ වෛද්‍යවරයා රිමාන්ඩ් ශ්‍රී ලංකාවේ අභ්‍යන්තර කටයුතුවලට ඇඟිලි ගහන්න එ.ජා. සංවිධානයට බෑ ජනසභා ලේකම් තනතුරු සඳහා සම්මුඛ පරීක්‍ෂණ ලබන මාසේ සීයා මරා පිච්චුවැයි මුනුබුරන් දෙදෙනෙක් වසරකට පසු දැලේ අපහාස චෝදනා ගොනු කරන්න ශ්‍රේෂ්ඨාධිකරණයෙන් නීතිපතිට නියෝග ශ්‍රී ලංකා ජනපති මැදිහත් වී මාලදිවයින් අර්බුදය විසඳීම මේ රටට ගෞරවයක් මංගල, අධිකරණයට අපහාස කළැයි අලුත්කඩේ උසාවි භූමියේ විරෝධතාවක් රැකියා ලබාදීමට මුදල් ලබා ගත්තැයි සැකකාරිය 22 වැනිදා තෙක් රිමාන්ඩ් විනය පරීක්‍ෂණයට නාවොත් ඒක පාර්ශ්වික තීන්දුවක් ෆොන්සේකාගේ පෙත්සම විභාගයට ගැනීම කල් තබයි මට්ටක්කුලිය පොලිසියට පහර දුන් සැකකරුවෙක් හඳුනා ගැනේ පොලිස් වෙස් ගෙන සූදුපොළක් කොල්ල කෑ හමුදාවේ 3ක් දැලේ හොර මත්පැන් තොගයක් සමඟ සැකකරුවෙක් අත්අඩංගුවට

ත්‍රස්තවාදය පරදා ලද විජයග්‍රහණය විදෙස් බලපෑම් මත පාවා දෙන්න බෑ

- ජනපති

ධනුෂ්ක ගොඩකුඹුර

මවුබිම ත්‍රස්තවාදයෙන් මුදාගනිමින් ජාතිය ලැබූ විජයග්‍රහණය, විදේශීය බලපෑම් එල්ල වූ පමණින් අතහරින්නට සූදානම් නැති බව ජනාධිපති මහින්ද රාජපක්ෂ මහතා අවධාරණය කරයි. මවුබිමේ නිදහස වෙනුවෙන් කැපවූ විරුවන්ට එල්ල වන සියලු චෝදනාවලට තමා මුහුණ දෙන බවද ජනාධිපතිවරයා පවසයි. අපේ රණවිරුවන් කිසිවිටෙකත් මානව අයිතීන් කඩ කළේ නැහැ.

සිවිල් වැසියන්ට තුවක්කු එල්ල කෙළේ නැහැ. ඔවුන්ගේ අරමුණ වුණේ සිවිල් වැසියන් රැකගැනීම යැයි ජනාධිපතිවරයා ප්‍රකාශ කරයි. ජනාධිපතිවරයා මේ අදහස් පළ කෙළේ ආචාර්ය බඳගිරියේ සෝමවංශ හිමියන් සහ ආචාර්ය උපාලි වික්‍රමසේකර මහතා විසින් රචිත “වැඩෙන මනසට අහරක්” ග්‍රන්ථය එළිදැක්වීම සහ “සුචරිතං සෙය්‍යෝ” සංවිධානය ඇරඹීම වෙනුවෙන් අරලියගහ මන්දිරයේ ඊයේ (08) පැවැති උත්සවයකදීය.

දැන් මුළු රටේම ජනතාව සැබෑ නිදහසක් භුක්ති විඳින බව පැවැසූ ජනාධිපතිවරයා, ඒ නිදහස පාවාදීමට පුළුවන්කමක් නැතැයිද කීවේය. නිදහස් කර ගත් රට ඉදිරියට ගෙනයාමට නම් ගුණගරුක යහපත් දරු පරපුරක් අපට අවශ්‍ය බවත්, අපගේ ශ්‍රේෂ්ඨ ජාතියට ගැළපෙන අයුරින් අපේ දරු පරපුරත් ගොඩනැඟිය යුතු බවත් ජනාධිපතිවරයා ප්‍රකාශ කළේය.

එන්සෙෆ් බෞද්ධ විදුහල්පති, ජාතික ළමා අධ්‍යාපන පදනමේ සභාපති ආචාර්ය බඳගිරියේ සෝමවංශ හිමියන් සහ ආචාර්ය උපාලි වික්‍රමසේකර, සබරගමු පළාත් ආණ්ඩුකාර වි.ජ.මු. ලොකුබණ්ඩාර මහත්වරුද මෙහිදී අදහස් දැක්වූහ.