ත්‍රස්තවාදය පරදා ලද විජයග්‍රහණය විදෙස් බලපෑම් මත පාවා දෙන්න බෑ ජානිපෙ සභාපති විමල් වීරවංශ මාරාන්තික උපවාසයක් අරඹයි එ.ජා. සංවිධානයේ කොළඹ කාර්යාලය වැසේ බිලිඳු දැරියක විකිණීමේ සිද්ධියට සම්බන්ධ වෛද්‍යවරයා රිමාන්ඩ් ශ්‍රී ලංකාවේ අභ්‍යන්තර කටයුතුවලට ඇඟිලි ගහන්න එ.ජා. සංවිධානයට බෑ ජනසභා ලේකම් තනතුරු සඳහා සම්මුඛ පරීක්‍ෂණ ලබන මාසේ සීයා මරා පිච්චුවැයි මුනුබුරන් දෙදෙනෙක් වසරකට පසු දැලේ අපහාස චෝදනා ගොනු කරන්න ශ්‍රේෂ්ඨාධිකරණයෙන් නීතිපතිට නියෝග ශ්‍රී ලංකා ජනපති මැදිහත් වී මාලදිවයින් අර්බුදය විසඳීම මේ රටට ගෞරවයක් මංගල, අධිකරණයට අපහාස කළැයි අලුත්කඩේ උසාවි භූමියේ විරෝධතාවක් රැකියා ලබාදීමට මුදල් ලබා ගත්තැයි සැකකාරිය 22 වැනිදා තෙක් රිමාන්ඩ් විනය පරීක්‍ෂණයට නාවොත් ඒක පාර්ශ්වික තීන්දුවක් ෆොන්සේකාගේ පෙත්සම විභාගයට ගැනීම කල් තබයි මට්ටක්කුලිය පොලිසියට පහර දුන් සැකකරුවෙක් හඳුනා ගැනේ පොලිස් වෙස් ගෙන සූදුපොළක් කොල්ල කෑ හමුදාවේ 3ක් දැලේ හොර මත්පැන් තොගයක් සමඟ සැකකරුවෙක් අත්අඩංගුවට

සීයා මරා පිච්චුවැයි මුනුබුරන් දෙදෙනෙක් වසරකට පසු දැලේ

රත්නපුර දිසා විශේෂ එස්. ඒ. එල්. නිරෝෂණ

තම සීයාගේ ගෙල කපා ඝාතනය කර සිරුර පිළිස්සු බවට සැකපිට මුනුබුරන් දෙදෙනකු සිද්ධිය වී වසරකට පසු රත්නපුර පොලිසිය මගින් අත්අඩංගුවට ගෙන ඇත. ජංගම දුරකථනයක් සොරකම් කිරීමේ සිද්ධියක් මෙම ඝාතනයට හේතුවී ඇතැයි පොලිස් පරීක්ෂණවලදී අනාවරණය විය. මියගිය තැනැත්තාගේ දුරකථනය සොරා ගැනීම ගැන ඔහු පොලිසියට යන බව පැවසීම නිසා එදින රාත්‍රී මෙම ඝාතනය සිදුකර ඇතැයි රත්නපුර පොලිසිය වසරක් තිස්සේ කළ පරීක්ෂණවලදී හෙළිවී තිබේ.

පසුගිය වසරේ මැයි මස 3 වැනිදා රාත්‍රී ඝාතනය සිදුකර ඇතැයි පොලිසිය කියයි. කිරිඇල්ල ගල්ලෙන්දොළ දිගාන කන්ද පදිංචි ඩී. ඇම්. චන්ද්‍රපාල (89) මහතා ඔහුට අයත් වෙළෙඳ සල තුළදී මරණයට පත්ව තිබුණි. මියගිය තැනැත්තාගේ සිරුර සම්පූර්ණයෙන්ම පිළිස්සී ගොස් තිබූ බව පොලිසිය කියයි. මොහුගේ වෙළඳසලේ කාමරයක ඇඳක සිරුර තිබුණි.

එම ඇඳ අසලම විදුලි හීටරයක් විදුලි ස්වීචයකට ඇතුළු කර එම ස්වීචය ක්‍රියාත්මක කර තිබූ බව විමර්ශනවලදී හෙළිවිය. රත්නපුර පොලිසියේ පොලිස් පරීක්ෂක යූ. එස්. මායාදුන්න මහතා ඇතුළු නිලධාරීන් සිදුකළ මූලික විමර්ශන වලදී මෙම අබිරහස් මරණය ගැන පොලිසියට සැක මතුවිය. විදුලි කාන්දුවක් නිසා පිළිස්සීමෙන් මෙම මරණය සිදුවූ බව පෙන්වීමට සැකකරුවන් උත්සහ කර තිබූ බව පොලිසිය කියයි.

ලේ බින්දු තැවරුනු පුටුවක් සහ ලේ ගෑවුණු මේස පිහියක්ද වෙළඳසලේ තිබියදී රත්නපුර පොලිසිය මගින් සොයා ගෙන තිබිණි. 89 හැවිරිදි මෙම පුද්ගලයා ඝාතනය කිරීමට කිසිදු හේතුවක් නොමැතිවීම පොලිස් පරීක්ෂණවලදී පැහැදිලි විය. රත්නපුර පොලිසියේ අපරාධ විමර්ශන අංශයේ පොලිස් පරීක්ෂක ර්‍ථනරත්න මහතා වසරක් පුරා මෙම මිනීමැරුමේ සුලමුල සොයමින් ලුහුබඳිමින් උපක්‍රමශීලීව කටයුතු කිරීම නිසා සැකකරු අයියා - මලෝ දෙදෙනා නීතියේ රැහනට කොටු කර ගැනීමට හැකිවූ බව පොලිසිය කියයි.

සැකකරුවන්ගේ ළඟම ඥාතීන් අතර ඇතිවූ ගැටුමකදී හෙළිවූ තොරතුරු මත ඔවුන් දෙදෙනා අත්අඩංගුවට ගැනීමට හැකිවිය. සැකකාර අයියා මලෝ දෙදෙනා රත්නපුර මහේස්ත්‍රාත් අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කර ඇත.
 

වෙළෙඳසල ගිනිගෙන තිබූ අයුරු. ඡායාරූපය - රත්නපුර දිසා විශේෂ