ඉංග්‍රීසි ගුරුවරුන් 2000කට කොරියාවේ ගුරු රස්සා ඉදිරි දින දෙකේදී යළිත් තද වැසි නාගරික සංවර්ධන අධිකාරියේ දූෂිතයන් සොයා මෙහෙයුමක් විපතට පත් වූවනට සහන සලසන්න සැලසුම් හා ඇස්තමේන්තු ලබා දෙන්න පොලිසියේ අය මුණ ගැසීමට කාහටවත් මුදල් දෙන්න එපා හිටපු මන්ත්‍රීවරුන් 10ක් නිල නිවාසවල ‘පැළ වෙලා’ ජල ගැලීමෙන් අවතැන් වූ ඉතිරි පිරිසත් යළි පදිංචි කිරීමට පියවර ඩෙංගු මර්දනයට වීදි බසින්න කමිටු පහක් ක්‍රියාත්මකයි මිලියන 140ක ලාභය ජනපතිට බාරදීමට පියවර උතුරේ ජනතාවගේ බිඳුණු සිත් සවිමත් කිරීමට නාමල් රාජපක්ෂ මන්ත්‍රීවරයාට හැකි වේවි ගංවතුර නිසා ගොඩගැසුණු ලියුම් බෙදීම කඩිනමින් පාසල් පරිගණක මධ්‍යස්ථානවලින් සෙනසුරාදාටත් වැඩ ගන්න යයි ගංවතුරින් අවතැන් වූ පවුල් 10,000කට මන්ත්‍රී දුමින්ද සිල්වා පිහිට වෙයි දේපළ ආරවුල් ගැන පැමිණිලි මහජන දිනයදා ඉදිරිපත් කරන්න බස්නාහිර පළාතේ උපාධිධාරීන් 234කට ගුරු පත්වීම් දුෂ්කර පාසල් නංවන්න පෞද්ගලික අංශයට ආරාධනා

ඉංග්‍රීසි ගුරුවරුන් 2000කට කොරියාවේ ගුරු රස්සා

ඇමැති තානාපති කතා පල දරයි

දයා පෙරේරා

ශ්‍රීලාංකික ඉංග්‍රීසි ගුරුවරුන් දෙදහසකට කොරියාවේ පාසල්හි ඉංග්‍රීසි ගුරුවරුන් ලෙස සේවය කිරීම සඳහා ළඟදීම අවස්ථාව උදාවේ. අධ්‍යාපන ඇමැති බන්දුල ගුණවර්ධන මහතා සහ ශ්‍රී ලංකාවේ කොරියානු තානාපති චොයි කි චුල් මහතා අතර අධ්‍යාපන අමාත්‍යාංශයේ පැවැති සාකච්ඡාවකදී තානාපතිවරයා මේ අවස්ථාව ලබාදීමට එකඟත්වය පල කෙළේ ය.

දෙවර්ෂයක කාලයක් කොන්ත්‍රාත් පදනමින් කොරියාවේ පාසල්වල ඉගැන්වීමට මේ ඉංග්‍රීසි ගුරුවරුන්ට අවස්ථාව ලැබේ.

මෙය ශ්‍රී ලංකාවේ ගුරුවරුන්ට කොරියාවේ පාසල් හී ගුරු රැකියා ලැබෙන ප්‍රථම අවස්ථාව බව අධ්‍යාපන අමාත්‍යාංශය පවසයි.

බන්දුල ගුණවර්ධන මහතා අධ්‍යාපන ඇමැති පදවියට පත් වීමෙන් පසු පැවැති පළමු සාකච්ඡාවේදීම ශ්‍රී ලංකාවේ අධ්‍යාපන සංවර්ධනය සඳහා සුවිශේෂ අනුග්‍රහයක් දැක්වීමට කොරියානු තානාපතිවරයා කැමැත්ත පළ කෙළේ ය.

ශ්‍රී ලංකාවේ ප්‍රාථමික පාසල් සඳහා කොරියානු රජයේ සමාගමක් මගින් ඩිජිටල් පියානෝ දෙදහසක් සහ කළු ලෑලි පනස් දහසක් ලබාදීමටත් තානාපතිවරයා එකඟ විය. කොරියාවේ කොයිනා ආයතනයේ ප්‍රතිපාදනවලින් ගුරු පුහුණු මධ්‍යස්ථානයක් හෝමාගම ප්‍රදේශයේ ස්ථාපිත කිරීමටද සාකච්ඡාවේදී එකඟත්වය පළ කැරිණි.

කොරියානු පාසල් සිසුන්ට ශ්‍රී ලංකාවේ දී අධ්‍යාපනය ලබා ගැනීමේ අවස්ථා සපුරා දීම සඳහා පාසලක් ආරම්භ කිරීමට ඉඩමක් ලබාදීමට අධ්‍යාපන ඇමැතිවරයා මෙහිදී එකඟ විය. මේ සාකච්ඡාව සඳහා අධ්‍යාපන අමාත්‍යාංශයේ ලේකම් සුනිල් එස්. සිරිසේන මහතාද සහභාගී විය.