සැඟවූ වී තොග සොයා රහස් පොලිස් මෙහෙයුම් හානි වූ ප්‍රදේශ ගොඩනැඟීමට රුපියල් කෝටි 3300ක් ඕනෑ ඇමැතිවරු ඇවිත් නැත්නම් නියෝජ්‍ය ඇමැතිවරු ප්‍රශ්නවලට පිළිතුරු සපයන්න පස්සර වැල්ලගොල්ල ගම නායයෑමෙන් තුනට කැඩේ දකුණු කොළඹ වරායේ දිය කඩනයේ ප්‍රථම අදියර නිමයි සේවක අර්ථ සාධක අරමුදලින් 30%ක් ආපසු ලබාගැනීමේ හැකියාව ළඟදීම දැයට කිරුළ නැරැඹීමට ලක්ෂ 25ක ජනකායක් බාලවයස්කාරියකට හදි කළාට වසර 27ක සිරදඬුවමක් පොල් ඉඩම් කට්ටි කිරීම සීමා කිරීමට නව නීති ප්‍රවීණ රංගන ශිල්පී විනී වෙත්තසිංහ අභාවප්‍රාප්ත වෙයි වෛද්‍යවරයාගේ වෙද නලාව හා උපකරණ පැහැර ගත්තැයි රෝගියාගේ මිතුරන් 5ක් අත්අඩංගුවට බන්ධනාගාර ගතව සිටින සැකකරුවන් දෙදෙනාට කෝටි 2ක ශරීර ඇප දෙදරු පියෙක් සමඟ පාසල් ඇඳුමින් සිසුවියක් කළුතර ළැඟුම් හලක රැඳවියන් තිදෙනෙක් හෙරොයින් තබාගෙන මාට්ටු සෞදිවල සිට පැමිණි කතකගේ ඇඟෙන් කම්බි 7ක් ඉවත් කරලා පොල්ලකින් හිසට ගසා පුද්ගලයෙක් මරා දාලා අධිකරණය නොමඟ යවා ඇප ලබාගැනීමක් ගැන ගල්කිස්ස පොලිසියෙන් අධිකරණයට වාර්තාවක් පූගොඩ ඇඟලුම් කම්හලක ගින්නක් පා. ම මාලනී ෆොන්සේකා අකුරු කෙරූ කැළණිය ගුරුකුල විදුහලට ලක්ෂ අටක තූර්යය භාණ්ඩ ප්‍රදානයක් ක්ලැරන්ස් ගේ ගීත ඇනස්ලි මාලේවන ගැයීමට එරෙහිව බිරිඳ ඉල්ලූ තහනම් නියෝගය ප්‍රතික්ෂේපයි

බාලවයස්කාරියකට හදි කළාට වසර 27ක සිරදඬුවමක්

දැරියට ලක්‍ෂ 10ක වන්දි

අම්බලන්ගොඩ සමූහ ආර්. ඤාණදාස

බාලවයස්කාර දැරියකට ලිංගික අතවර කිරීමේ හා ඇය අපහරණය කිරීමේ අධි චෝදනාවලට වරදකරු වූ තිස් හැවිරිදි විවාහකයකුට බරපතළ වැඩ ඇතිව වසර විසිහතක සිරදඬුවමක් ද, රුපියල් දෙලක්‍ෂයක දඩයක් ද නියම කළ බලපිටිය මහාධිකරණ විනිසුරු අමල් තිලකරත්න මහතා, සිද්ධියට අදාළ දැරියට රුපියල් ලක්‍ෂ දහයක වන්දියක් ගෙවන ලෙස ද නියෝග කළේය. මෙවැනි අපරාධ මින් මතුවට නොවීමට සමාජය වගබලා ගත යුතු ආකාරයට දැඩි දඬුවම් පැමිණිය යුතුව ඇතැයි ද මහාධිකරණ විනිසුරුවරයා සිය තීන්දුව ප්‍රකාශයට පත් කරමින් පැවසුවේය.

මෙසේ සිරදඬුවමට ලක්වූයේ කරන්දෙණිය උණගස්වල පදිංචිකරුවකු වන ගුණරත්න ඒකනායකගේ පියසේන නමැත්තෙකි. 2002 වර්ෂයේ සැප්තැම්බර් මස 2 වැනි දින හා 2002 වසරේ සැප්තැම්බර් මස 12 වැනි දින අතර කාලයේ දී බාලවයස්කාර දැරියක දූෂණය කිරීම හා ලිංගික අතවර කිරීමේ පළමු අධිචෝදනාවට වරදකරු වීම නිසා බරපතළ වැඩ ඇතිව වසර විස්සක සිරදඬුවමක් ද, රුපියල් ලක්‍ෂයක දඩයක් ද, ගෙවන ලෙස වරදකරුට නියම කළ මහාධිකරණ විනිසුරුවරයා, සිද්ධියට අදාළ දැරියට රුපියල් ලක්‍ෂ දහයක වන්දියක් ගෙවන ලෙසද නියෝග කළේය.

මෙම දඩ මුදල නොගෙවන්නේ නම් සැහැල්ලු වැඩ සහිත මාස හයක සිරදඬුවමක් ද, වන්දි මුදල නොගෙවන්නේ නම් සැහැල්ලු වැඩ සහිත මාස නමයක සිරදඬුවමක් ද නියම කළේය. බාලවයස්කාර දැරිය අපහරණය කිරීමේ දෙවැනි අධි චෝදනාවට වරදකරු වූ හෙයින් එයට බරපතළ වැඩ ඇතිව වසර හතක සිරදඬුවමක් ද, රුපියල් ලක්‍ෂයක දඩ මුදලක් ද, එම මුදල නොගෙවන්නේ නම් සැහැල්ලු වැඩ සහිත මාස හයක සිරදඬුවමක් ද නියම කළේය.

මෙම බරපතළ වැඩ ඇතිව වන සිරදඬුවම හා සැහැල්ලු වැඩ ඇතිව වන සිරදඬුවම එකිනෙක අනුපිළිවෙළින් ගෙවී යා යුතු බව ද මහාධිකරණ විනිසුරු අමල් තිලකරත්න මහතා නියෝග කළේය. විත්තිකරු වෙනුවෙන් නීතිඥ ගයාන් මල්ලියාවඩු මහතා ද, පැමිණිල්ල වෙනුවෙන් රජයේ නීතිඥ අසේල සේරසිංහ මහතා ද පෙනී සිටියහ.

.