සේවක අර්ථ සාධකයෙන් කෝටි 4074ක නිවාස ණය විදුලි බිලෙන් ඒකක 60-180 දක්වා ඉන්ධන ගැළපුම් ගාස්තුව 25% කින් අඩුවේ මහා සංඝරත්නය මහනුවර නගරයේ පිණ්ඩපාතයේ වජිර හිමිපාණන්ට ජනපති උපහාර අසාද් සාලි අත්අඩංගුවට මිල කළ නොහැකි කිරිගරුඬ බුදු පිළිමය විසි දහසකට විකුණලා වරාය සංවර්ධනය රටේ සංවර්ධනයේ කොටසක් මහජන පක්ෂ නායක රංජිත් නවරත්න අභාවප්‍රාප්ත වෙයි ඔස්ට්‍රේලියා පුරවැසි ඇමැති ශ්‍රී ලංකාවේ සංචාරයකට එයි මැයි රැලියට එන අතරතුර එජාප මන්ත්‍රීවරු 2ක් ගුටි බැට ඇනගෙන මහ ජන ගඟක් කැම්බල් පිටියට ගැලුවේ ජනපතින්ගේ නිවැරැදි නායකත්වය නිසායි උද්ධමනය තවත් පහළට සෙරෙප්පුවක සඟවා රන් බිස්කට් 4ක් පන්නන්න හැදූ සැකකරු අත්අඩංගුවට පාන්ගොල්ල අභිමංසල මීළඟ දැයට කිරුළේ දී විවෘත වෙයි එජා සංවිධානයේ සමුළු සංවිධානය කිරීමේ සභාපති ධූරය චමිත්‍රිට මැයි රැලියට පැමිණි ජන ගඟ බෙදුම්වාදී සෙවනැලිවලට අතුල් පහරක් වුණා

මිල කළ නොහැකි කිරිගරුඬ බුදු පිළිමය විසි දහසකට විකුණලා

ජාවාරම්කරුවකු සමඟ සැකකරුවෙක් කොටු වෙයි

ඉන්දික පොල්කොටුව

පිළිමතලාව පරණාගල විහාරස්ථානයෙන් සොරාගත් කිලෝ සියයකට අධික බරින් යුත් මිල කළ නොහැකි කිරිගරුඬ බුදු පිළිමයක් හික්කඩුව ප්‍රදේශයේ පෞරාණික භාණ්ඩ අලෙවි සැලකට රුපියල් විසිදහසක මුදලකට අලෙවි කළ මහා ජාවාරම්කරුවකු හා තවත් සැකකරුවකු එම පිළිමය සමඟ අලවතුගොඩ පොලිසිය අත්අඩංගුවට ගෙන ඇත.

මෙයට අමතරව මේ ජාවාරම්කරුගේ කල්ලිය සොරාගන්නා ලද බව කියන කෑගල්ල ප්‍රදේශයේ පැරැණි දේවාලයක දැව දොරක්ද පොලිසිය සොයා ගෙන තිබේ. සොයා ගැනුණු කිරිගරුඬ බුදු පිළිමය අඩි දෙකහමාරක් උසැති කිලෝ සියයකට අධික බරින් යුක්ත බැව් පොලිසිය පවසයි.

2012 වසරේ සිදු වූ මේ සොරාගැනීම පිළිබඳ අලවතුගොඩ පොලිස් ස්ථානාධිපති පොලිස් පරීක්ෂක නිශාන්ත හෙට්ටිආරච්චි මහතා ඇතුළු කණ්ඩායමකට ලැබුණු තොරතුරක් මත අත්අඩංගුවට ගැනුණු සැකකරුවන්ගෙන් කළ ප්‍රශ්න කිරීම් ඔස්සේ හික්කඩුව ප්‍රදේශයෙන් මේ බුදු පිළිමය හා පෞරාණික දොර සොයා ගැනිණි.

ප්‍රධාන සැකකරුට අමතර සිද්ධිය සම්බන්ධයෙන් අත්අඩංගුවට ගෙන ඇත්තේ හික්කඩුව පෞරාණික භාණ්ඩ ප්‍රදර්ශනාගාරයේ හිමිකරුවන අතර තවත් සැකකරුවකු සහ ජීප් රථයක් අත්අඩංගුවට ගැනීමට නියමිත බව පොලිසිය පවසයි.

‍මධ්‍යම පළාත භාර ජ්‍යෙෂ්ඨ නියෝජ්‍ය පොලිස්පති එච්.එන්.බී. අඹන්වල මහතාගේ විශේෂ උපදෙස් මත සහකාර පොලිස් අධිකාරී චාමික ප්‍රේමසිරි මහතාගේ අධීක්ෂණය මත අලවතුගොඩ පොලිස් ස්ථානාධිපති පොලිස් පරීක්ෂක නිශාන්ත හෙට්ටිආරච්චි මහතාගේ මෙහෙයවීමෙන් උප පොලිස් පරීක්ෂකවරුන් වන නාරද වසන්ත ආර්.එම්.එස්. බණ්ඩාර ඇතුළු නිලධාරීහු පිරිසක් වැටලීම සිදු කළහ.

.