ඉන්දීයාවේ හිටපු යුද හමුදා ප්‍රධානි එරට විපක්ෂයට එක්වෙයි
ඉන්දීයාවේ හිටපු යුද හමුදා ප්‍රධානි
එරට විපක්ෂයට එක්වෙයි
නව දිල්ලියේ දී - ඒ.එ‍ෆ්.පි.
ඉන්දිය යුද්ධ හමුදාවෙන් විශ්‍රාම ගිය හිටපු හමුදා ප්‍රධානි ජෙනරාල් වි.කේ සිං
ප්‍රධාන විපක්ෂය වන හින්දු ජාතික භාරතිය ජනතා පක්ෂයට බැඳුණු බව සෙනසුරාදා
ප්‍රකාශ කර ඇත. ඒ ළඟදිම පැවැත්වීමට නියමිත ඉන්දීය මහ මැතිවරණය ඉදිරියේ යි.
හිටපු හමුදාපතිවරයාට විශ්‍රාම යාමට සිදුව ඇත්තේ ඔහුගේ වයස සම්බන්ධයෙන්
හටගත් ආන්දෝලනයක් නිසයි .
ඉන්දිය ආරක්ෂක හමුදාව සම්ප්‍රධායක් වශයෙන් දේශපාලනයෙන් බැහැරව සිටී .
හිටපු හමුදා නායකයා විශ්‍රාම ගියේ පසුගිය 2012 මැයි මාසයේදී යි . තම සේවා කාලය
දීර්ඝ කර ගැනිමට උප්පැන්න සහතිකය ව්‍යාජ ලෙස වෙනස් කර තිබු බවට ඔහුට චෝදනා එල්ල
විය .
ලබන මැයි මාසයේ දී පැවැත්වෙන ඉන්දිය මහ මැතිවරණයෙන් භාරතිය ජනතා පක්ෂය ජය ගනු
ඇති බවට අනාවැකි පළවේ . ජාතික යහපත උදෙසා තිරසාර තිරණවලට එළඹිය හැකි ස්ථාවර
රජයක් පිහිටුවීමට සහයෝගය දැක්වීම තම අභිලාසය බව සිං පවසා තිබේ .
සිං භාරතීය ජනතා පක්ෂයට එක්විමත් සමඟ මිලියන සංඛ්‍යාත හමුදා භටපිරිසකින්
සමන්විත ඉන්දීය හමුදාවේ සහාය එම පක්ෂයට විශාල වශයෙන් දිනා ගත හැකිවනු ඇතැයි
විශ්වාස කෙරේ . ඔහු සමඟ තවත් හිටපු හමුදා ප්‍රධානින් කිහිපදෙනෙක්ද භාරතීය ජනතා
පක්ෂයට එක්වි ඇත
.
| 
කර්තෘට ලියන්න
මුද්‍රණය සඳහා
