චීනයේ දුම්රිය පොළකට බෙදුම්වාදීන්ගෙන් ප්රහාරයක්
චීනයේ දුම්රිය පොළකට
බෙදුම්වාදීන්ගෙන් ප්රහාරයක්
මගීන් 29ක්
කපා කොට
මරා දමලා
130කට
තුවාල
බීජිං හී දී - ඒ.එෆ්.පී.
චීනයේ යුනැන්
ප්රාන්තයේ දුම්රිය ස්ථානයකදී සිදුවූ ම්ලේච්ඡ පිහි ප්රහාරය පිළිබඳ
විමර්ශනයක් පවත්වන පොලීසිය |
චීනයේ සිංජියාන් බෙදුම්වාදීවන් දුම්රිය පොළක දී සිදුකළ ප්රහාරයකින් 29
දෙනෙක් මියගොස් 130 කට වැඩි පිරිසක් තුවාල ලබා ඇතැයි රඑට මාධ්ය වාර්තා කරයි .
පිහි අමෝරාගත් ප්රහාරකයන් විසින් සිදු කළේ ඇස් ඇදහිය නොහැකි තරම් ම්ලේච්ඡ
ක්රියාවක් බව සිද්ධිය ඇසින් දුටු අය පවසා තිබේ .
යූනැන් ප්රාන්තයේ කුන්මින් දුම්රිය පොළට කඩාවැදී ඇත්තේ කළු ඇඳගත් පිරිසක් බවද
සඳහන්ය. දුම්රිය ප්රවේශ පත්ර ලබා ගැනිමට පෙළ ගැසී සිටි අයට ඔවුන් ඉවක් බවක්
නැතිව පිහි ප්රහාර එල්ල කර ඇත .
පොලිසියේ වෙඩි ප්රහාරවලින් හතර දෙනෙක් මිය ගොස් ඇත . ප්රහාරයට පැමිණි අනික්
අය සොයා මෙහෙයුම් දියත් කර තිබේ . මුස්ලිම් උග්හුර් සුළුතරයක් වෙසෙන වයඹ දිග
ෂින්ජුවාන් ප්රාන්තයේ අන්තවාදීන් විසින් මේ අමානුෂික ක්රියාව සිදු කර ඇතැයි
කුන්මින් ප්රාන්ත රජය පවසයි .
ජගත් මහ ලේකම් බැන් කී මූන් විසින් මේ බිහිසුණු ක්රියාව ඉතා දැඩි ස්වරයෙන් හෙළා
දැක ඇත . ප්රහාරයට වගකිව යුත්තන් වහා නීතිය ඉදිරියට පමුණුවා ඔවුන්ට නිසි
දඬුවම් ලබා දිය යුතු බවටද ඔහු අවධාරණය කර තිබේ .
චීන රජය ස්වයං පාලනයක් ඉල්ලා සටන් වඳින බෙදුම්වාදීන්ට චෝදනා එල්ල කරන අතර
උග්හුර් මානව හිමිකම් සංවිධාන පවසන්නේ චීන රජය ඔවුන් ආගමික සහ ආර්ථික වශයෙන්
පාගා දමා ඇති බවයි .
.
|