උසාවි නියෝගය කඩ කොට විරෝධතාවේ යෙදුණු සන්ධාන මන්ත්‍රීන් 10කට නොතිසි ශ්‍රී ලංකා නිදහස් පක්ෂයට නව ආසන සංවිධායකවරුන් මහින්දට එරෙහිව තවත් අල්ලස් චෝදනාවක් බැසිල් බලන්න මහින්ද ජාතික රෝහලට එයි මෛත්‍රී - මහින්ද හමුවෙන්නේ නැහැ 19 සම්මත කර ගැනීම ජනතා ජයග්‍රහණයක් ජනතා යහපත වෙනුවෙන් ගතයුතු ගතහැකි සෑම පියවරක් ම ගන්නවා බැසිල් රාජපක්ෂ බන්ධනාගාර රෝහලෙන් ජාතික රෝහලට ඉදිරි මහ මැතිවරණය නව ක්‍රමයට මිහින් ලංකා ගනුදෙනු ගැන ගෝඨාගෙන් ප්‍රශ්න කරයි සැකපිට ගත් 4න් 3ක් රිමාන්ඩ් 19ට සහාය පළ කිරීමේ වමේ පා ගමන 27දා හමුදාවෙන් පලා ආ සෙබළකු ළඟ රසායනික අවියක් ලක්ෂ 50 මැණික් හොරු මාස 5කට පසු හසුවෙති වරායේ සිදුවූ දූෂණ සොයන්න කමිටුවක් මනෝජ් මෙන්ඩිස් ඝාතනයේ සැකකරුවෙක් බාර‍ වෙයි විපක්ෂයේ මන්ත්‍රීවරු පාපිස්සට බැස්සවීමට ආණ්ඩුවට හැකිවුණා 19ට සහාය දෙන්න ශ්‍රීලනිපය තීරණය කළා පේරාදෙණි බලධාරීන්ගේ තීරණවලට සරසවි සිසුන්ගෙන් විරෝධය බස් රථයේ රෝද 4 ගැලවී විසිවෙයි හේතුව පැහැදිලි නොමැති නිසා ප්‍රකාශයක් ලබා දිය නොහැකියි ගාලු මුවදොර පිටියේ වාහන නැවැත්වීමට අය කිරීමක් නෑ නියෝගයක් තිබිය දී අල්ලස් කොමිසම ඉදිරිපිට උද‍්ඝෝෂණ පැවැත්වීම අධිකරණයට අපහාස කිරීමක්

නියෝගයක් තිබිය දී අල්ලස් කොමිසම ඉදිරිපිට උද‍්ඝෝෂණ පැවැත්වීම අධිකරණයට අපහාස කිරීමක්

හෙළ බොදු සවිය කියයි

අල්ලස් හෝ දූෂණ විමර්ශන කොමිසම ඉදිරිපිට උද‍්ඝෝෂණයක් පැවැත්වීම තහනම් කරමින් අධිකරණය විසින් වාරණ නියෝගයක් නිකුත් කර තිබිය දී ඊයේ (24) යම් පිරිසක් එම ස්ථානයේ උද්ඝෝෂණ පැවැත්වීම අධිකරණයට අපහාස කිරීමක් බව හෙළ බොදු සවිය මාධ්‍ය නිවේදනයක් නිකුත් කරමින් සඳහන් කරයි.

අධිකරණයට අපහාස කිරීම සම්බන්ධයෙන් ‍එම පිරිසට එරෙහිව නීතිමය පියවර ගන්නා ලෙස එම සංගමය බලධාරීන්ගෙන් ඉල්ලා සිටියි. සංගමයේ සභාපති බුදුගල ජිනවංශ හිමියන්ගේ අත්සනින් යුතුව නිකුත් කර ඇති මාධ්‍ය නිවේදනයේ මෙසේද සඳහන් වේ. අල්ලස් හෝ දූෂණ කොමිසම ඉදිරිපිට උද්ඝෝෂණ කිරීමට එරෙහිව කොළඹ ප්‍රධාන මහේස්ත්‍රාත් අධිකරණය විසින් ඊයේ වාරණ නියෝගයක් ලබා දී ඇත. එය මෙරට සියලුම ප්‍රධාන මාධ්‍යවල පළ කර තිබිණි. නීතිඥවරයෙක් නායකත්වය දරන එක්තරා දේශපාලන කල්ලියක් විසින් අද දින කොළඹ බෞද්ධාලෝක මාවතේ පිහිටි අල්ලස් හෝ දූෂණ කොමිසම ඉදිරිපිට උද්ඝෝෂණයක් පවත්වන ලද්දේ අධිකරණ තීන්දුව තඹ දොයිතුවකටවත් ගණන් නොගෙනය.

මෙම සිදුවීම ගරු අධිකරණය විසින් දෙන නියෝග අවතක්සේරු කිරීමකි. එමෙන්ම එම තීරණ වලට අවනත නොවීම සහ එය සාමාන්‍ය ජනතාව අධිකරණ තීන්දු වලින් ඈත් කිරීමයි.

මෙවැනි සිදුවීම් සිදු නොවිය යුතු අතර එවැන්නක් සිදුවීම සමස්ත ජනතාවට සිදුකරන බලවත් අසාධාරණයකි. නීතිය ස්ථාපිත වී ඇති රටක නීතියට එරෙහිව අධිකරණයට අපහාස කිරීම දණ්ඩනීති සංග්‍රහය සහ අපරාධ නඩු විධාන සංග්‍රහය සමඟ කියවෙන අනෙකුත් අණපනත්වලට පටහැනි ක්‍රියාවකි. එමෙන්ම ඊට එරෙහිව ක්‍රියාත්මක විය යුතු හා නීතිය ස්ථාපිත කිරීමට බැඳී සිටින සියලුම ආයතන මේ සම්බන්ධයෙන් ඉක්මන් හා කඩිනම් පියවර ගත යුතු බව අප අවධාරණය කරමු.