පරාක්‍රමබාහු රජතුමාගේ සීත මාලිගයට ගිනි තියලා උතුරට දෙන දේශපාලන විසඳුම ලියවිල්ලකට සීමාවන්නේ නෑ බීජිං-ශ්‍රී ලංකා අධ්‍යයන කේන්ද්‍රය ජනපති විවෘත කරයි තෙවැනි රන්දෝලි පෙරහර අද නවලෝක අධිපති කලුරිය කරයි අලි සංගණනය ඇරැඹෙයි කාන්තාවන්ට ශ්‍රී ලංගමයේ රියැදුරු රැකියා සමුපකාරය අධිකරණයට යයි මුල් මාස පහේ රාජ්‍ය ආදායම නගී සරසවි ඇදුරන්ගේ වැටුප් වැඩිවේ කප්පම් ගන්න පැහැරගත් දස හැවිරිදි දරුවා බේරා ගනී දෙහිවල සතුන්වත්තේ සීබ්‍රා පැටවකු උපත ලබයි දක්ෂ පොලිස් නිලධාරීන්ට උසස්වීම් එවේලේම පොලිස් ගරාජයේ ප්‍රධාන පොලිස් පරික්‍ෂකවරයකු අත්අඩංගුවට ලක්ෂ තුනක මැණික් තොගයක් හොරෙන් ගෙන ගොස් දැලේ දළදා වීදියේ වීඩියෝ හලකින් කාම චිත්‍රපට 8ක් සොයා ගෙන පින්නවලට සුරතලෙක් එද්දී තවත් සුරතලෙක් යයි දිනක මත්ද්‍රව්‍ය වැටලීම්වලින් රු.1,50,000ක දඩ මුදලක් ග්‍රාම සේවකට පහර දුන් සැකකරු අත්අඩංගුවට ගන්නැයි උද්ඝෝෂණයක්

කප්පම් ගන්න පැහැරගත් දස හැවිරිදි දරුවා බේරා ගනී

බොඩගොල්ල රක්ෂිතයේ සඟවා තබලා

සැකකාර ඥාතියා අත්අඩංගුවට

ඉන්දික පොල්කොටුව

කප්පම් මුදලක් ලබාගැනීම සඳහා පැහැරගෙන ගොස් රංගල බොඩෝගොල්ල රක්ෂිතයේ සඟවා තබාගෙන සිටි බවට සැකකරන තෙල්දෙණිය අළුත්වත්ත ප්‍රදේශයේ දස හැවිරිදි දරුවකු එම රක්ෂිතයේ හඬමින් සිටියදී රංගල පොලිසිය හා ප්‍රදේශවාසීහු එක්ව සොයාගෙන ඇත.

මේ අතර දරුවා පැහැරගත් බවට සැකකරන ඔහුගේ ඥාතියකු ද රංගල පොලිසිය මගින් මෙහිදී අත්අඩංගුවට ගෙන තිබේ. අදාළ දරුවාගේ මව සහ පුංචි අම්මා විදේශගතව සිටින බවත්, සැකකරු දරුවා පැහැර ගැනීමෙන් පසු විදේශගතව සිටින දරුවාගේ පුංචි අම්මාගෙන් රුපියල් ලක්‍ෂ හතරක කප්පම් මුදලක් ඉල්ලා ඇති බවත්, පොලිස් පරීක්‍ෂණවලින් අනාවරණය වී ඇත.

මේ අතර දරුවාගේ පුංචිඅම්මා බව කියන කාන්තාව සමඟ සැකකරු අනියම් ප්‍රේම සබඳතාවක් පවත්වා ඇති බවටත්, පොලිසියට තොරතුරු ලැබී තිබේ.

මහනුවර කොට්ඨාස භාර ජ්‍යෙෂ්ඨ පොලිස් අධිකාරි අයි. එම්. කරුණාරත්න මහතාගේ උපදෙස් මත රංගල පොලිස් ස්ථානාධිපති පොලිස් පරීක්‍ෂක කපිල බණ්ඩාර මහතාගේ මෙහෙයවීමෙන් පොලිස් කොස්තාපල්වරුන් වන සී. නන්දික (86092), වී. කුලතුංග (72529), ඩී. මේඝසූරිය යන මහත්වරු මෙහි පරීක්‍ෂණ පැවැත්වූ අතර සිද්ධිය පිළිබඳ වැඩිදුර පරීක්‍ෂණ තෙල්දෙණිය මූලස්ථාන පොලිසිය වෙත භාර දෙනු ලැබීය.

.