නිවෙසටම විත් ගිනි පොලියට ණය ලබා දී ජනතාව සූරාකන කල්ලියක් සිටිනවා නාගොඩ මොරන් ඇළ සංවර්ධනයට ඉංගිරිය තරුණයන්ගේ සහායෙන් අසරණ පවුලකට හිසට සෙවණක් අක්කර 40ක් අස්වද්දයි සර්පයාගේ බෙල්ලෙන් අල්ලා සොලවද්දී ලක්මාල් මහත්තයාගේ අතට දෂ්ට කළා දිස්ත්‍රික් ලේකම් කාර්යාලයේ අලංකාර ගෙවත්ත මතට ලොල් වූ පහේ කල්ලිය ලක්ෂ 30ක රන්මාල කඩාගෙන හොරණ රෝහල් පරිශ්‍රයේ දිවා සුරැකුම් මධ්‍යස්ථානයක්

ඉංගිරිය තරුණයන්ගේ සහායෙන් අසරණ පවුලකට හිසට සෙවණක්

ඉංගිරිය මධ්‍යම සමූහ ප්‍රියදර්ශනී කහවල

යමෙකු මෙලොව දුක හෝ සැප විඳීන්නේ පෙර ආත්ම භවයන්හිදී කරන ලද පින් හෝ පව් අනුව යැයි යන්න අප බොහෝ දෙනකු විශ්වාස කරන කරුණකි.

එසේ දුක හෝ සැප ලබන මිනිසාම කර්මය පරාජය කර එම දුක , සැපයට පෙරළා ගන්නා අවස්ථාවද නැතුවා ද නොවේ.

මේ පවසන්නට යන්නේද, උත්පත්තියෙන්ම කරපින්නාගෙන ආ ජීවිත දෙකක දුක , සැපයක් බවට පත් කිරීමට නිහඬව වළකන තරුණයන් පිරිසක් ගැන කතාවකි.

ඉංගිරියට නුදුරු විදෙස් මිතුගම ප්‍රදේශයේ කැළෑබද පෙදෙසක යන්තමින් අටවාගත් පැල් කොටයක දිවිගෙවන ටී. කේ. අමිල තරුණයාට සහ ඩබ්ලිව.

පුෂ්පලතා නම් ඔහුගේ මවට දුක යන්න අමුතු අරුම දෙයක් නොවේ. එයට නිවසක් යැයි කිව නොහැක.

ටී.කේ. අමිල සහ ඩබ්ලිව්. පුෂ්පලතා මව සහ පුතු තමන් සතු එකම සම්පත වන තම අබලන් ගෙපැල ඉදිරිපිට.... ඡායාරූපය - ඉංගිරිය මධ්‍යම සමූහ

අඩු තරමින් ශරීරය කෙලින් තබා දෙකට තුනට නැමීගෙනවත් ඊට ඇතුළු වීමට අපහසුය.

ස්ථිර ආදායමක් නොමැති මේ මව සහ පුතා එදා වේල සරිකරගන්නේ කාගෙන් හෝ ලැබෙන කුලී වැඩකිනි.

මෙවන් අසරණ තත්වයක දිවිගෙවන පවුලකට පිහිට වන්නට එම ගම්මානයේ තරුණයන් ඉදිරිපත්ව සිටී.

කිසිවෙකුගෙන්වත් අධාරයක් හෝ මුදල් හෝ භාණ්ඩ එකතු කිරීමට ගම වටේ නොගිය මේ තරුණ පිරිස තමන්ට හැකි පමණින් මේ අසරණ පවුලට නිවෙසක් ඉදිකර දීමට ක්‍රියා කරයි.

සතියෙන් සතිය අදියරෙන් අදියර ඉහළට එසැවෙන තම නව නිවෙසේ බිත්ති දෙස බලමින් සතුටු කඳුලු වගුරුවන අමිල සහ පුෂ්පලතා මව පුතු යුවළ අපට පැවසුවේ මෙවන් වූ තරුණයන් ගමට පමණක් නොව සමස්ත රටටම මහගු සම්පතක් බවයි.

.