දිස්ත්‍රික් 06 ක් නායයෑමේ අවදානමක කළුතරටත් අනතුරු අඟවයි කොස්ලන්ද මීරියබැද්ද ගම්මානය ජනාධිපතිගේ නිරීක්ෂණයට අනියම් සේවකයින් විසිපන්දහසක් ස්ථිර සේවයට සහන ලබා දෙන්න වහාම පියවර ගන්න නාය යාමෙන් පවුල් 125ක් පණපිටින් වැළලෙති රටේ සියලුම බස් නැවතුම් පර්යන්ත එකම සැලැස්මකට ගෙන ඒමේ වැඩපිළිවෙළක් මිය ගිය අයකුගේ අවමගුලට රජයෙන් රු.15000ක් කොස්ලන්ද ග්‍රාම නිලධාරිනිය 28දා සවසත් අනතුරු ප්‍රදේශයෙන් ඉවත් වෙන්න කිව්වා යුද්ධය නිම කිරීමට හැකි වුණේ විධායක ජනාධිපති ක්‍රමය නිසයි කොස්ලන්ද කඳුළින් තෙමිණි බදුල්ලේ කලාප රැසක් අවදානම් උත්තරීතර ඔබතුමියටයි මටයි වගේ මේ ගවයන්ට දේශපාලනයක් නෑ සියලු රජයේ සේවකයන් ගේ වැටුප් වැඩිවීම ජූලි 1දා සිට සුවිශාල සමාජ වගකීමක් පොත් ප්‍රකාශකයන් සතුව තිබෙනවා ආඝාතය පිළිබඳ ජගත් අයිතිවාසිකම් කෙටුම්පත එළි දැක්වෙයි “උත්තම ගුරු පූජා හරසර 2014” හල්දුම්මුල්ල නාය යාමේ ඛේදවාචකයෙන් මවුපියන් අහිමි දරුවන්ගේ මානසික පීඩනය අවම කිරීමට පියවර ගැනේ දුම්රිය සේවකගේ බුද්ධියෙන් දුම්රිය අනතුරක් වළකී ජනවාරි මාසයේදී අනිවාර්යයෙන්ම ජනාධිපතිවරණය පැවැත්වෙනවා අයවැයෙන් රාජ්‍ය සේවකයන්ට ප්‍රතිලබා රැසක් ලබාදීලා ශ්‍රී ලංකාව මේ වනවිට නව පරිච්ඡේදයකට පැමිණ තිබෙනවා හයිටි බලා යෑමට හමුදාවේ 850ක් පාප් වහන්සේගේ ශ්‍රී ලංකා සංචාරය ස්ථිරයි ජාත්‍යන්තර ගණිත තරගයෙන් ශ්‍රී ලංකාවට පදක්කම් රැසක් වැවිලි සංස්ථා .ඇල්කඩුව වැවිලි . සේවක සේවිකාවන්ෙග් හිඟ මුදල්වලින් රු. ලක්ෂ 300ක මුදලක් ගෙවීමට පියවර කොළඹ නාලන්දාවේ 90 වෙනි සංවත්සරය සමරන ‘නාලන්දා සතිය’ 1දා සිට මීරියබැද්ද නාය යාමට ලක්වූ ජනතාවට රජය ශෝකය පළ කරයි මිනිස් ජීවිත 300ක් පණපිටින් වැළලිලා සහන කටයුතුවලට නිල් බළකායේ 300ක් විනාශය කලින් දැනුම් දුන්නත් වතු සමාගම ක්‍රියාත්මක වී නෑ නාය යාමෙන් විපතට පත් අයට ජන සෙවණින් අතහිත

නාය යාමෙන් පවුල් 125ක් පණපිටින් වැළලෙති

* 300ක් අතුරුදන්, කොස්ලන්ද මීරියබැද්දගම එකම මළගෙයක්

* කොස්ලන්ද ග්‍රාම නිලධාරිනිය 28දා සවසත් අනතුරු ප්‍රදේශයෙන් ඉවත්වෙන්න කිව්වා
- දිස්ත්‍රික් ලේකම්

විජයානි එදිරිසිංහ සහ උදුලා පීරිස්

බදුල්ල බණ්ඩාරවෙල පොලිස් කොට්ඨාසයේ කොස්ලන්ද පොලිස් වසමේ හල්දුම්මුල්ල මීරියබැද්දගම අවට කඳු වළල්ල ඊයේ (29) උදේ නාය යාමෙන් නිල නිවාස, කඩපේළි, නිවාස, ලයින් කාමර විශාල ප්‍රමාණයක් යටවී ඇති අතර එම අනතුරින් පවුල් 125ක් පණ පිටින් පස් අතර වැළලී ඇත

.ඊයේ පෙරවරු 7.30ට පමණ එම නාය යාම සිදුවී තිබේ. කිලෝමීටර් 3ක පමණ ප්‍රදේශයක් යටවෙන පරිදි එම කඳු වළල්ල නායගොස් ඇති බව ආපදා කළමනාකරණ මධ්‍යස්ථානය පවසයි. අක්කර 20කට වැඩි භූමි ප්‍රදේශයක් සම්පූර්ණයෙන් විනාශ වී ඇත.

නිවාස 125ක් පමණ ද ලයින් කාමර 17 කඩ පේළි 10ක් පමණ ද නාය යාමට ලක්වී තිබේ.

ඊයේ දහවල් වන විට අනතුරට පත් 18 දෙනෙකුගේ මළ සිරුරු සොයාගෙන තිබුණි. ආපදා කළමනාකරණ මධ්‍යස්ථාන නිලධාරීන්, පොලිසිය, යුද්ධ හමුදාව, ‍දිස්ත්‍රික් ලේකම් කාර්යාල සේවකයන්, ස්වේච්ඡා සංවිධාන සහ අවට ගම් පළාත්වාසීන් එක්ව මෙම නාය යාමෙන් අනතුරට පත් පුද්ගලයන් සොයා ගැනීමට කටයුතු කරගෙන යයි.

තවද බදුල්ල බණ්ඩාරවෙල සහ අවට රෝහල්වල සේවක සේවිකාවන් ඇතුළු කාර්ය මණ්ඩල පිරිස් ආපදාවට ලක්වී රෝහල් ගත කරන පිරිසට ප්‍රතිකාර ලබාදීම සඳහා සූදානම් කර තිබිණි. ගිලන් රථ ගණනාවක් ද එම ස්ථානයට යවා තිබිණි.

දිවි ගලවාගත් කාන්තාවක්...

නාය යාම සිදුවී ඇති ප්‍රදේශයට ඇතුළුවීම අනතුරුදායක තත්ත්වයක පැවැති බැවින් අනතුරට ලක්වූ පිරිස් සොයාගැනීමට කටයුතු කිරීම බෙහෙවින් අපහසු තත්ත්වයක පැවැති නමුත් කෙසේ හෝ ඔවුන්ගේ ජීවිත බේරාගැනීමට අවශ්‍ය සෑම කර්තව්‍යයක් ම සිදු කිරීමට මෙහෙයුම් ‍කණ්ඩායම් පියවර ගෙන තිබුණි.

පෙරේදා පෙරවරුවේ සිට එම පළාත තුළ පැවැති අයහපත් කාලගුණය තවමත් පවතින බව පොලිසිය පවසයි.

අනතුරට පත්වූ ප්‍රදේශයට ආසන්න සෙසු පදිංචිකරුවන්ද එම ප්‍රදේශවලින් ඉවත් කිරීමට පියවර ගෙන තිබිණි.

මෙම නායයාමට ලක්ව ඇති කොස්ලන්දගම මීරියබැද්දේගම ප්‍රදේශය නාය යාමකට ලක්වීමට ඉඩ ඇති බැවින් එම ප්‍රදේශවලින් ඉවත්ව වෙනත් ප්‍රදේශවලට යන ලෙස 2005 වර්ෂයේ සිට රජය මඟින් වරින් වර අනතුරු හැඟවීම් කර ඇතත් එහි පදිංචිව සිටි පිරිස් එම දැනුම් දීම කිසිසේත් ඉටු නොකරන බවට අදාළ නිලධාරීන් විසින් අදාළ අංශවලට වාර්තා කර තිබිණ.

පසුව 2012 වර්ෂයේ ද යළිත් එම අනතුරු හැඟවීම කර තිබූ අතර පවුල් කිහිපයක් පමණක් ඉවත්ව ගොස් තිබූ බව වාර්තා වෙයි.

මෙම නාය යාම සිදුවන අවස්ථාව වන විට එම නිවෙස්වල පදිංචිව සිටි පාසල් ළමුන් වැඩි පිරිසක් පාසල් කරා ගොස් තිබූ නිසා සහ රැකියා සඳහා ඇතැම් පිරිස් පිටත්ව ගොස් තිබූ නිසා ඔවුන්ගේ ජීවිත බේරී ඇත.