පොලිස් නිලධාරියකුගේ බැංකු ගිණුමෙන් රු.74,000ක් හොරෙන් අරන් කොළඹ මාර්ග අංක 145ට වෙනම නීතියක් ද? තේ කෝප්පයේ විහිළුවෙන් තරුණ කතකගේ දිවි නැතිවේ ගම්පහ සමූපෙන් ණය අරන් නොගෙවූ 12ක් අධිකරණයට මහ දවාලේ ලක්ෂයක් වටිනා රන්මාලයක් කොල්ල කා යතුරු පැදියකින් පලා ගිහින් ත්‍රිරෝද රියෙන් ඉවතට විසිවුණ මාස 2 1/2 කිරි දරුවා රෝහලේ දී මිය යයි බොරු ශ්‍රමණ වෙස් ගත් බාල වයස්කරු අත්අඩංගුවට බිංගිරියේ කාන්තාවෝ බාහු බලය පෙන්වති සම්බුදු හිමි සිරිපා පියුම් නොකරත්ද අද අගැයුම් අපා දුක් විඳි මනු සතුන් අද තුටින් ගී ගයා නටමින්... ඇඹිලිපිටිය වගා හානිවලට විසඳුම් නෑ

ජා ඇළ හොරා පොලිස් :

පොලිස් නිලධාරියකුගේ බැංකු ගිණුමෙන් රු.74,000ක් හොරෙන් අරන්

බැංකු පොත හොරකම් කරගෙන අස්සන ගහන්නත් පුරුදු වෙලා

කොච්චිකඩේ විශේෂ - ඩී.මිහිදුකුල

ජා -ඇළ පොලිසියේ සේවය කරන පොලිස් නිලධාරියකු එම පොලිසියේම සේවය කරන වෙනත් පොලිස් නිලධාරියකුගේ බැංකු ගිණුමකින් රු. 74500ක් ව්‍යාජ අස්සන් යොදා ලබාගත්තේ යැයි කියන සිද්ධියක් සම්බන්ධයෙන් චෝදනා ලැබූ සැකකාර පොලිස් නිලධාරියා රු.7500ක මුදල් ඇප හා ලක්ෂ 2ක ශරීර ඇප මත මුදා හැරීමට මීගමුව ප්‍රධාන මහේස්ත්‍රාත් ඒ.එම්.එන්.පී. අමරසිංහ මහතා නියෝග කෙළේ ය.

මෙලෙස මුදා හැරුණේ ජා - ඇළ පොලිසියේ රථවාහන අංශයට අනුයුක්තව සේවය කරන පොලිස් කොස්තාපල්වරයෙකු බව පැමිණිල්ලේ සඳහන් ය. පැමිණිලිකරු ජා- ඇළ රජයේ බැංකුවක ඉතිරිකිරීමේ ගිණුමක් පවත්වාගෙන යන අතර ඔහු තමාට අයත් එම බැංකු ගිණුම් පොත සහ ජාතික හැඳුනුම්පත සිය “ලොකර්” එකේ දමා තිබී ඇත.

සැකකාර පොලිස් නිලධාරියා මෙම ගිණුම්පොතද, ගිණුම හිමි නිලධාරියාගේ ජාතික හැඳුනුම්පත ලොකර් එකෙන් හොරකම් කරගෙන ඇති අතර පසුව පැමිණිලකරුගේ අස්සනද සැකකාර පොලිස් නිලධාරියා හොඳට පුරුදු වී තිබේ.

සැකකරු නිල ඇඳුමෙන් සැරසී බැංකුවට ගිණුම් පොත සහ ජාතික හැඳුනුම්පත බැංකුවට ඉදිරිපත් කර අස්සනද යොදා වංචා සහගත ලෙස මුදල් ලබාගෙන තිබුණි. වරද පිළිගත් සැකකරු වංචා සහගත ලෙස ලබාගත් මුදල පැමිණිලිකරුට අධිකරණයේදී භාර දුන්නේ ය. පෑලියගොඩ පොලිසියේ විශේෂ විමර්ශන ඒකකයේ පොලිස් සැරයන් 31446 හේරත් මහතා සැකකරු අධිකරණයට ඉදිරිපත් කර පැමිණිල්ල මෙහයවීය. නැවත විභාගය 2013 .02.19 ට කල් තැබුණි.

.