ඉතිහාසයේ දැවැන්තම දේශපාලන පාවාදීම එයයි බේරුවල සන්සුන් ශ්‍රී ලංකාව සමඟ සහයෝගයෙන් කටයුතු කිරීමට බොලීවියාව සූදානම් බොලීවියා සංචාරය නිමවා ජනපති යළි මවුබිමට කොරියා රැකියා ඉල්ලා උද්ඝෝෂණ උපවාස එපා අලුත්ගම සිද්ධිය වැනි සිදුවීම් යළි ඇති නොවීමට වග බලා ගනිමු ත්‍රස්තවාදය පරාජය කළ ජනාධිපති මහින්දට බොලීවියාවේ ඉහළම සම්මානය සිංහල, දෙමළ, මුස්ලිම් භේදයකින් තොරව සියලු ජාතීන් රටේ ඉදිරි ගමනට දායක විය යුතුයි තැපෑලෙන් ආ මිලියන 30ක විදේශීය සිගරැට් රේගු දැලේ මානව හිමිකම් යෝජනාවට එරෙහිව පක්ෂ විපක්ෂ සැවොම එක්විය යුතුයි බොහෝ අභියෝග මධ්‍යයේ වුවද ශ්‍රී ලංකාව සාර්ථකත්වයට ළඟා වෙලා හම්බන්තොට රෝහල් සහ පාසල්වල අඩුපාඩු පියවීමට පියවර ගන්නවා පිල්ලේ වාර්තා සැකසුවේ පෞද්ගලික න්‍යාය පත්‍රයකට අනුවයි විදුලි බිලේ අඩු වැඩිවීම මේ වසර අග තීරණය කළ හැකියි බේරුවල සිද්ධියෙන් පීඩාවට පත් වූ සියලුදෙනාට කනගාටුව පළ කරනවා ජානිපෙ හදිසි ප්‍රතිසංස්කරණ යෝජනාවලට ශ්‍රීලනිපය ප්‍රතිපත්තිමය එකඟතාව පළ කළා සිසුවියක ලිංගික අපයෝජනය කළාට හිටපු එජාප මන්ත්‍රී වසර 20ක් හිරේට මාගම්පුර වරායට දොඹකර දෙකක් පර්යන්ත දොඹකරයක් අලුතෙන් ඇඳිරි නීතිය කඩ කළ 9ක් 25තෙක් රිමාන්ඩ් මන්නාරම-කොළඹ-ගාල්ල මඩකළපුවට සුළඟ සැරයි යතුරුපැදිකරුට වෙඩි තැබීමේ සිද්ධියේ කොස්තාපල්ට ඇප දින 90ක් රහස් පොලිස් භාරයේ රඳවා විමර්ශන කිරීමට පොලිසියට අවසර

අලුත්ගම සිද්ධිය වැනි සිදුවීම් යළි ඇති නොවීමට වග බලා ගනිමු

ශ්‍රීලනිපය නිවේදනයක් නිකුත් කරමින් කියයි

අලුත්ගම දී උද්ගත වූ තත්ත්වය කිසිසේත් සිදු නොවිය යුතු සිදුවීමක් වන අතර මෙවැනි සිදුවීම් යළි ඇතිවීම මුළුමනින්ම වැළැක්වීම සඳහා සමාජයක් ලෙස අප සියලු දෙනාම එක්ව කටයුතු කළ යුතු යැයි ශ්‍රී ලංකා නිදහස් පක්ෂය නිවේදනයක් නිකුත් කරමින් කියා සිටියි.

පසුගියදා අලුත්ගම දී සිදුවු අවාසනාවන්ත සිදුවීම් සම්බන්ධයෙන් ශ්‍රී ලංකා නිදහස් පක්ෂයේ නායක ජනාධිපති මහින්ද රාජපක්ෂ මැතිතුමාගේ සහ පක්ෂයේ බැරෑරුම් අවධානය යොමු වී තිබේ. ප්‍රථම කොටම මේ අවාසනාවන්ත සිදුවීමෙන් මිය ගිය දෙදෙනාගේ පවුල්වල ඥාති හිතමිත්‍රාදීන්ට අපගේ බලවත් ශෝකය ප්‍රකාශ කර සිටිමු. එසේම, සිදුවීමෙන් අනතුරුවලට ලක්ව වෛද්‍ය ප්‍රතිකාර ලබමින් සිටින සියලු දෙනාටම ඉක්මන් සුවය ප්‍රර්ථනා කර සිටිමු.

මෙය කිසිසේත් නොසිදුවිය යුතුව තිබූ සිදුවීමක් වන අතර මෙවැනි ‍සිදුවීම් යළි ඇතිවීම මුළුමනින්ම වැළැක්වීම සඳහා සමාජයක් ලෙස අප සියලු දෙනාම එක්ව කටයුතු කළ යුතුය. සිංහල, දෙමළ, මුස්ලිම්, බර්ගර්, මැලේ ජන කොටස් සහ බෞද්ධ , හින්දු , කතෝලික, ඉස්ලාම් ආගම් අදහන ප්‍රජාවන් වැඩිදෙනා සමගියෙන් සහජීවනයෙන් වෙසෙන මේ රටේ මැද මාවතේ පක්ෂයක් ලෙස අප පක්ෂය බිහිවූයේ එම මහා සහජීවනය පදනමක් කර ගනිමිනි.

එම සහජීවනය බිඳ දැමීමට කිසිදු අන්තවාදී බලවේගයකට ඉඩ නොතබන බව අප සහතික කර සිටිමු. ජාති ආගම් අනන්‍යතාවන් වලට අප එරෙහි නොවෙමු. එහෙත් ඒ සියල්ල අභිභවා සිටින පොදු මනුෂ්‍යත්වයේ පදනම මුලින්ම ආරක්ෂා කර ගත යුතුය. මනුෂ්‍යත්වය බිඳ දමමින් ජාතික, ආගමික අනන්‍යතාවන් පමණක් රැකගැනීම වැදගත් යැයි කිසිවෙක් වටහා ගන්නේ නම් එය සමාජ ඛේදවාචකයකි. විශේෂයෙන් ජාතික අනන්‍යතාවක් ගොඩනැගීම වෙනුවෙන් බොහෝ වන්දි ගෙවූ රටක පුරවැසියන් ලෙස ශ්‍රී ලාංකික අප අතිශයින් සංවේදීව අපගේ සංස්කෘතික විවිධත්වය ආරක්ෂා කොට ගත යුතුය.

1983 කළු ජූලිය වැනි අවාසනාවන්ත සිදුවීම් නිසා මුවහත් වී අප සමාජයම අගාධයකට ඇද දැමූ ත්‍රස්තවාදයෙන් අප රට මුදා ගෙන නැවතත් සාමයේ සහජීවනයේ සංහිඳියාවේ මඟට රට අවතීරණ කර මේ රට සොඳුරු රටක් බවට පත්කරලීමේ මහා සමාජ දේශපාලන වැඩපිළිවෙළක් අතිගරු මහින්ද රාජපක්ෂ ජනාධිපතිතුමාගේ නායකත්වයෙන් යුතුව ක්‍රියාත්මක වෙමින් තිබේ. එවැනි අවස්ථාවක අප රටත් රට කරවන රජයත් දේශීයවත් ජාත්‍යන්තරවත් අපකීර්තියට පත් කරමින් මේ රට නැවතත් සමාජ දේශපාලන ව්‍යාකූලත්වයට ඇද දැමීමේ දුෂ්ඨ අරමුණින් කටයුතු කරන පිරිස් මේ සිදුවීම් පිටුපස සිටින බවට අප දැඩි ලෙස සැක කරමු. ඒ බව මහජනතාවට නිවේදනය කර සිටිමු.

ජාත්‍යන්තර මුස්ලිම් ප්‍රජාවේ විශ්වාසනීය මිතුරෙකු වූ අප පක්ෂයේ නායක මහින්ද රාජපක්ෂ මැතිතුමාගේ ප්‍රතිරූපය බිඳ දැමීමේ වුවමනාවෙන් එම පිරිස් කටයුතු කරනා බව ද අප සැක කරමු. කවර මට්ටමේ හෝ අන්තවාදී‍න්ගේ පෙළඹවීම් බස් වලින් නොමඟ නොයන ලෙස අපි සියලුම ජන කොටස්වලට අයත් පුරවැසි ජනතාවගෙන් ඉල්ලා සිටිමු. අප ඉතා මහන්සියෙන් ගොඩනගා ගත් ඓතිහාසික සංහිඳියාව බිඳ වැටෙන්නට නොදී ආරක්ෂා කර ගැනීම අපගේ වගකීමයි. රාජ්‍ය බලය හොබවන පක්ෂයක් වශයෙන් මේ සම්බන්ධයෙන් දැඩි ලෙස කටයුතු කිරීමට අප පක්ෂයේ ස්ථාවරය බව ප්‍රකාශ කර සිටිමු.

.