ඉතිහාසයේ දැවැන්තම දේශපාලන පාවාදීම එයයි බේරුවල සන්සුන් ශ්‍රී ලංකාව සමඟ සහයෝගයෙන් කටයුතු කිරීමට බොලීවියාව සූදානම් බොලීවියා සංචාරය නිමවා ජනපති යළි මවුබිමට කොරියා රැකියා ඉල්ලා උද්ඝෝෂණ උපවාස එපා අලුත්ගම සිද්ධිය වැනි සිදුවීම් යළි ඇති නොවීමට වග බලා ගනිමු ත්‍රස්තවාදය පරාජය කළ ජනාධිපති මහින්දට බොලීවියාවේ ඉහළම සම්මානය සිංහල, දෙමළ, මුස්ලිම් භේදයකින් තොරව සියලු ජාතීන් රටේ ඉදිරි ගමනට දායක විය යුතුයි තැපෑලෙන් ආ මිලියන 30ක විදේශීය සිගරැට් රේගු දැලේ මානව හිමිකම් යෝජනාවට එරෙහිව පක්ෂ විපක්ෂ සැවොම එක්විය යුතුයි බොහෝ අභියෝග මධ්‍යයේ වුවද ශ්‍රී ලංකාව සාර්ථකත්වයට ළඟා වෙලා හම්බන්තොට රෝහල් සහ පාසල්වල අඩුපාඩු පියවීමට පියවර ගන්නවා පිල්ලේ වාර්තා සැකසුවේ පෞද්ගලික න්‍යාය පත්‍රයකට අනුවයි විදුලි බිලේ අඩු වැඩිවීම මේ වසර අග තීරණය කළ හැකියි බේරුවල සිද්ධියෙන් පීඩාවට පත් වූ සියලුදෙනාට කනගාටුව පළ කරනවා ජානිපෙ හදිසි ප්‍රතිසංස්කරණ යෝජනාවලට ශ්‍රීලනිපය ප්‍රතිපත්තිමය එකඟතාව පළ කළා සිසුවියක ලිංගික අපයෝජනය කළාට හිටපු එජාප මන්ත්‍රී වසර 20ක් හිරේට මාගම්පුර වරායට දොඹකර දෙකක් පර්යන්ත දොඹකරයක් අලුතෙන් ඇඳිරි නීතිය කඩ කළ 9ක් 25තෙක් රිමාන්ඩ් මන්නාරම-කොළඹ-ගාල්ල මඩකළපුවට සුළඟ සැරයි යතුරුපැදිකරුට වෙඩි තැබීමේ සිද්ධියේ කොස්තාපල්ට ඇප දින 90ක් රහස් පොලිස් භාරයේ රඳවා විමර්ශන කිරීමට පොලිසියට අවසර

පාර්ලිමේන්තු නියෝජිතයන් ජාත්‍යන්තර පරීක්ෂණයට එරෙහි නොවුණොත්

ඉතිහාසයේ දැවැන්තම දේශපාලන පාවාදීම එයයි

ඇමැති විමල් පාර්ලිමේන්තුවේ දී කියයි

* යුද්ධය අවසන් කිරීමෙන් සමස්ත ජනතාවම රැකුණා
* සාමයේ ප්‍රතිලාභ පක්ෂ විපක්ෂ සියලු දෙනා විඳිනවා
* පරීක්ෂණවල අරමුණ ජනපති යුද අධිකරණයකට ගෙන යාමද?

රන්ජිත් පද්මසිරි - ස්වර්ණා විජේකෝන් හා සුභාෂිනි සේනානායක

යුද්ධය අවසන් සතියේ සිදුවූ දේ සොයන්න ජාත්‍යන්තර පරීක්ෂණ තියන්න උත්සාහ දරන මේ මොහොතේ ඊට එරෙහිව කටයුතු කිරීමට පාර්ලිමේන්තු නියෝජිතයන් ලෙස කටයුතු නොකරන්නේ නම් ඉතිහාසයේ සිදුකරන දැවැන්තම දේශපාලන පාවාදීම එය බව ඉදිකිරීම් ඉංජිනේරු සේවා නිවාස හා පොදු පහසුකම් ඇමැති විමල් වීරවංශ මහතා ඊයේ (17) පාර්ලිමේන්තුවේ දී කීය.

යුද්ධය අවසන් කිරීම නිසා ආරක්ෂා වූයේ එක පවුලක් නොව මේ රටේ සමස්ත ජනතාව බව කී විමල් වීරවංශ මහතා යුද්ධය අවසන් කිරීමෙන් පසුව උදාවූ සාමයේ ප්‍රතිලාභ යුද්ධයට පක්ෂ හා විපක්ෂ වූ සියලු දෙනාම අද භුක්ති විඳින බවද කීය.

එක්සත් ජාතීන්ගේ මානව හිමිකම් මහා කොමසාරිස් කාර්යාලය මඟින් ශ්‍රී ලංකාවට එරෙහිව පැවැත්වීමට නියමිත පරීක්ෂණය සිදු නොකළ යුතු බවට ආණ්ඩු පක්ෂයේ මන්ත්‍රීවරුන් 9 දෙනකු ඉදිරිපත් කර තිබූ ‍යෝජනාව පිළිබඳ විවාදයේදී මේ බව ප්‍රකාශ කළ වීරවංශ මහතා මේ අවස්ථාවේදී අප සතුව පවතින ජාතික වගකීමෙන් පැන යන්න පුළුවන් දැයි ප්‍රශ්න කළේය.

මානව හිමිකම් චෝදනා එල්ල කරමින් එක්සත් ජාතීන්ගේ සංවිධානය මේ උත්සාහ කරන්නේ යුද්ධයේ අවසන් සතිය තුළදී සිදු වූ දේවල් සම්බන්ධයෙන් ජාත්‍යන්තර පරීක්ෂණයක් සිදු කිරීමට සහ සේනාධිනායකයා ප්‍රමුඛ වීරෝදාර රණවිරුවන් අධිකරණය වෙත ගෙන යාමට බව සඳහන් කළ ඇමැතිවරයා ජාත්‍යන්තරය එන්නේ රතුපස්වල ගැන සොයන්න නොවන බවත් ඔවුන් ගේ අරමුණ යුද්ධයේ අවසන් සතියේ යුද අපරාධ වූවාදැයි සොයා බැලීමට බවත් යුද්ධ කළ යුතුය යන මතය සමාජ ගත කළ අපට මේ අවස්ථාවේදී සමාජ වගකීමෙන් කර අරින්නට බැරි බව අවධාරණය කළේය.

වාද භේද ඉදිරියට දමා ගෙන යුද අපරාධ සොයන්න අත පෙවීම් කරන්නට ඉඩ දිය හැකි දැයි ප්‍රශ්න කළ විමල් වීරවංශ මහතා යුද්ධය අවසන් කිරීමේ වේදනාවෙන් පෙළෙන අය පළිගැනීමේ චේතනාවෙන් කටයුතු කරන බවද කීය.

.