අපේ දරුවන් බිල්ලට ගන්න කිසිවකුට ඉඩ දෙන්න බැහැ ජිනීවා යෝජනාවෙන් ශ්‍රී ලංකාවට යහපතක් සිදුවන්නේ නැහැ තලාව මහජන බැංකු පරිශ්‍රය ජනාධිපති අතින් ජනතා අයිතියට ශ්‍රී ලංකන් කොළඹ සිට චීනයේ චොංකින් වෙත ගමන් අරඹයි ශ්‍රී ලංකාව අප්‍රිකානු සංගමයේ සාමාජිකත්වය ලබාගනී එජාපයට සල්ලි හොයන්න කොටි හිතවාදීන් සමඟ රනිල් අමෙරිකාවේ සාකච්ඡා ජනාධිපතිගේ නිහතමානිත්වයට මහා සංඝරත්නයේ ආශිර්වාදය හිමි වෙනවා අද එළිදකින ‘කොළඹ ප්‍රකාශනය’ ලෝක තරුණයාගේ ගමන් මඟ තීරණය කරනවා අටපිරිකරවලට නව සංශෝධිත ප්‍රමිතියක් ගාල්ල නගර අලංකාරයට හානි මාර්ග ආරක්ෂාව ගැන ජාතික දිනයක් ඉඩම් හිමිකම් පනත සංශෝධනයට පෙර අදහස් විමසීමට යයි ගොවි විශ්‍රාම වැටුප තැපැල් කාර්යාලයෙන් ශ්‍රී ලංකාව හා නවසීලන්තය අතර නව ගුවන් ගමන් සේවා ගිවිසුමක් කැකෑරෙන මිනිස් හදවත දමනයට බුදු දහම අගනා ඔසුවක් උතුම් වෙසක් පෝ දිනය සැණකෙළියක් නොකර ගන්න දුම්රිය ප්‍රමාදය වළක්වා ගැනීමට රියැදුරන් හා බලධාරීන් පොදු එකඟතාවක සිටිය යුතුයි ලක්ෂ දහයක ගෘහ භාණ්ඩ සොරාගත්තැයි තිදෙනාට ඇප ලක්ෂ 35 ක වල්ලපට්ට අගලවත්තේ දී දැලේ කෝපයට පත් මගීහු පොල්ගහවෙල කළඹති පන්සිය පනස් ජාතක පොත් වහන්සේ නව තාක්ෂණයෙන් වංචනික ලෙස පුද්ගලයකු රවටා ඉඩමක් අත්කරගත් චීවරධාරියාට වැඩ වරදී

ජනාධිපතිගේ නිහතමානිත්වයට මහා සංඝරත්නයේ ආශිර්වාදය හිමි වෙනවා

පැවිදිකමට මහා ශක්තියක් ඇතැයි රුවන්වැලි මහා සෑය විහාරාධිපති කියති

ධනුෂ්ක ගොඩකුඹුර සහ කිත්සිරි වනසිංහ අනුරාධපුරය සිට.

රටේ නායකයා වුවත් ජනාධිපති මහින්ද රාජපක්ෂ මහතාගේ ඇති නිහතමානීත්වයට මහා සංඝරත්නයේ ආශිර්වාදය නිබඳව හිමි වන බව රුවන්වැලි මහා සෑය විහාරාධිපති, නුවර කලාවියේ ප්‍රධාන සංඝනායක පල්ලේගම හේමරතන හිමියෝ ප්‍රකාශ කළහ.

පල්ලේගම හේමරතන හිමියන් මේ බව ප්‍රකාශ කෙළේ කුලදරුවන් 75 දෙනකු පැවිදි කිරීම සඳහා ජනාධිපති මහින්ද රාජපක්ෂ මහතාගේ ප්‍රධානත්වයෙන් අනුරාධපුරය ඵෙතිහාසික රුවන්වැලි මහා සෑය අභියස ඊයේ (09) පැවැති පුණ්‍යොත්සවයකට එක්වෙමිනි.

ප්‍රථමයෙන් අනුරාධපුර ඓතිහාසික ජය ශ්‍රී මහා බෝ සමිඳුන් වැඳ පුදාගෙන ආශිර්වාද ලබා ගත් ජනාධිපතිවරයා අටමස්ථානාධිපති ආචාර්ය පල්ලේගම සිරිනිවාස නායක හිමිපාණන් වහන්සේ බැහැදැක උන්වහන්සේගේ සුව දුක් විමසා කෙටි පිළිසඳරක නිරත විය.

ඵෙතිහාසික ජය ශ්‍රී මහා බෝ සමිඳු වැඩ සිටින පරිශ්‍රය ආශ්‍රිතව සිදු කෙරෙන ඉදිකිරීම් කටයුතු ද මෙහිදී ජනාධිපතිතුමාගේ නිරීක්ෂණයට ලක් විය. අනතුරුව රුවන්වැලි සෑය විහාරාධිපති පල්ලේගම හේමරතන නායක හිමිපාණන් වහන්සේ බැහැ දුටු ජනාධිපතිවරයා බැහැ දැක සුව දුක් විමසීය. කුලදරුවන් 75 දෙනකු සසුන්ගත කිරීමේ පුණ්‍යෝත්සවයට ජනාධිපතිතුමා එක් වූ යේ ඉන් අනතුරුවය. සසුන්ගත වූ සාමණේර භික්ෂුන් වහන්සේලා වෙත පිරිකර පුජා කෙළේය.

අටමස්ථානාධිපති ආචාර්ය පල්ලේගම සිරිනිවාස නාහිමියන් සහ රුවන්වැලි චෛත්‍යාරාමධිපති පල්ලේගම හේමරතන නාහිමියන් පැවිදි බිමට පත්ව වසර 46ක් සම්පූර්ණ වීම ද ඊයේ ට යෙදී තිබීම සුවිශේෂී කරුණකි.

මහා සංඝරත්නය නායකයකු වශයෙන් ජනාධිපතිතුමාට කැමැත්තක් දක්වන බව පෙන්වා දුන් උන්වහන්සේ මෙවැනි රාජ්‍ය නායකයකුගේ සහභාගීත්වයෙන් මෙම පුණ්‍යෝත්සවය පවත්වන්නට ලැබීම අද පැවිදි බිමට පත් වූ පොඩි හාමුදුරුවන්ට කෙරුණු ගෞරවයක් බවත් සිහිපත් කළහ. රටේ ප්‍රධානියාගේ පමණක් නොව විදේශීය නායකයන්, රජවරුන් වැනි බලවතුන් සමඟ සම මට්ටමින් හෝ ඉහළින් සිටීමට අවස්ථාව හිමි වී ඇත්තේ පැවිදිකමේ, සිවුරේ බලය නිසා බවත් ඒ අධ්‍යාත්මික ශක්තිය, චරිත ශක්තිය මහා වටිනාකමකින් යුක්ත බවත් ප්‍රකාශ කළහ.

භික්ෂූන් වහන්සේලාගේ චරිත ශක්තිය, අධ්‍යාත්මික ශක්තිය හරිහැටි ඇත්නම් ඊට ඉහළින් යන්නට මේ තුන්ලොව කිසිවකුත් සමත් නැති බවත් උන්වහන්සේ වැඩිදුරටත් පැවසූහ. උතුරු මැද පළාත් ආණ්ඩුකාර කරුණාරත්න දිවුල්ගනේ, ප්‍රධාන අමැති එස්.එම්. රංජිත්, නියෝජ්‍ය අමැති ඩබ්ලිව්. බී. ඒකනායක යන මහත්වරුන් ඇතුළු පිරිසක් මීට එක්ව සිටියහ.

.