යුද අධිකරණය අධිකරණයක් ෆොන්සේකාගේ ප්‍රකාශය සම්පූර්ණ අසත්‍යයක් ශ්‍රී ලංකා හමුදාවට එරෙහිව ක්ෂමා ආයතනය කළ චෝදනා අමෙරිකාව ප්‍රතික්ෂේප කරයි ජනපති දෙවැනි ප්‍රාප්තියේ වර්ෂ පූර්ණය අදයි මහා බෝධි ප්‍රහාරයට සැක දෙදෙනෙක් අත්අඩංගුවට නොරොච්චෝලේ පළමු අදියර නිමයි කිරිපිටි ආනයන බද්ද අඩුවෙයි මිල වැඩි නොවේ කෝටි 15ක කොකේන් සමඟ ඉන්දීය ජාතිකයා රේගු දැලේ දිවංගත අගමැති එස්. ඩබ්ලිව්. ආර්. ඩී. බණ්ඩාරනායකගේ තොරතුරු ඇතුළත් වෙබ් අඩවියක් අනුරාධපුර බන්ධනාගාරයේ ගැටලු සමථයකට පත් වෙයි බන්ධනාගාරයට ලක්‍ෂ 20ක අලාභයක් ජනතා තීරණය නිවැරැදියි පාරිභෝගික පනත කැඩු වෙළෙඳුන් 73කට 213,000ක් දඩ දෙහිවල නිවසකට පැන විදේශ මුදල් සොරාගෙන ලක්ෂ 5ක් වටිනා ගෑස් සිලින්ඩර සොරකම් කරලා බන්ධනාගාර ගත පුතාට හෙරොයින් ගෙනගිය මව රිමාන්ඩ් රහස් පොලිස් වෙසින් පැමිණ රන් බඩු - මුදල් කොල්ලකාලා මහවැලි ගඟට පැන කතක් දිවි නසාගෙන කොටි රට පැටවූ පොලිස් ලොක්කා අත්අඩංගුවට දොළොස් හැවිරිදි දැරියක දුෂ්‍ය කළ අයෙක් අත්අඩංගුවට නිවෙසක් කොල්ලකෑමට ගිය සෙබළෙක් අත්අඩංගුවට නිවසේ කාණුව අපිරිසුදු යැයි රුපියල් 10,000ක් දඩ ගහලා අනුරපුර බන්ධනාගාරය මහේස්ත්‍රාත්වරියගේ නිරීක්ෂණයට මහනුවර ස්වර්ණමාලි බාලිකාවේ හදිසි භූ කම්පන තත්ත්වයක් බීමතින් අනතුරකට ලක්ව රෝහල් ගියොත් ගාස්තුව දෙදාහයි හොර අංක යෙදූ ටිපර් 3ක් මහනුවරින් සොයා ගැනේ

අනුරාධපුර බන්ධනාගාරයේ ගැටලු සමථයකට පත් වෙයි

පාලනය මූලස්ථාන අධිකාරීවරයකු යටතට

බුද්ධිකා ඉඹුලාන, කිත්සිරි වනසිංහ
අනුරාධපුර සමූහ හා අනුරාධපුර අධිකරණ

අනුරාධපුර බන්ධනාගාරයේ පෙරේදා (24) සිදුවූ ගැටුම නිසා ඇතිවූ නොසන්සුන්තාව සමථයකට පත් කර එහි පාලන කටයුතු පවත්වාගෙන යාම සඳහා බන්ධනාගාර දෙපාර්තමේන්තු මූලස්ථානයේ මූලස්ථාන අධිකාරීවරයකු වූ ගාමිණී කුලතුංග මහතා පත් කර ඇත.චන්ද්‍රසිරි ගජධීර මහතාගේ උපදෙස් පරිදි මේ පත්වීම සිදු කර ඇතැයි එම අමාත්‍යාංශ ලේකම් ඒ. දිසානායක මහතා කීය.

ඊයේ (25) උදෑසන 4.00 පමණ වන විට අනුරාධපුර බන්ධනාගාරයේ තත්ත්වය පාලනය කළ බවත් සියලුම රැඳවියන් අදාළ සිරමැදිරිවලට යොමු කළ බවත් දිසානායක මහතා කීය.  ඇමැති චන්ද්‍රසිරි ගජධීර මහතා, බන්ධනාගාර කොමසාරිස් ජනරාල් මේජර් ජනරාල් වී. ආර්. සිල්වා, බන්ධනාගාර කොමසාරිස් ලක්ෂ්මන් සිල්වා ඇතුළු අමාත්‍යාංශ නිලධාරීන් අනුරාධපුර බන්ධනාගාර පරිශ්‍රයේදී ඊයේ (25) පැවැත්වූ හදිසි රැස්වීමකදී අනුරාධපුර බන්ධනාගාරයේ පෙරේදා (24) සිදුවූ ගැටුම පිළිබඳව තවදුරටත් කරුණු සෙවීමට අමාත්‍යාංශ අතිරේක ලේකම් වී. කේ. එස්. රවින්ද්‍ර මහතාගේ ප්‍රධානත්වයෙන් යුතු කමිටුවක් පත් කළ බවද දිසානායක මහතා පැවසීය.

ඡායාරූපය - අනුරාධපුර සමූහ

ගැටුමක් දක්වා දුර දිග ගිය සිදුවීමට මුල්වූ සිරකරු ඉල්ලීම් පිළිබඳව සලකා බලන ලෙස මෙහිදී ඇමැතිවරයා බන්ධනාගාර මූලස්ථාන අධිකාරී ගාමිණී කුලතුංග මහතාට උපදෙස් ලබා දී ඇත.     අනුරාධපුර බන්ධනාගාරයේ පවතින සනීපාරක්ෂක පහසුකම් වැඩි දියුණු කිරීම, මළපවාහන පද්ධතිය ක්‍රමවත් කිරීම, සිරකරුවන් සමග බන්ධනාගාර කළමනාකාරීත්වය සාකච්ඡා කිරීම, සිරකරුවන්ගේ අඩු පාඩු දුක් ගැනවිලි පිළිබඳව කළමනාකාරීත්වය ඇහුම්කන්දීම ඇතුළු ඉල්ලීම් ගණනාවක් මේ සාකච්ඡාවේදී ඇමැති චන්ද්‍රසිරි ගජධීර මහතා හමුවේ අනාවරණය කර ඇත.

ඉල්ලීම් අතර සාධාරණ හා ඉටු කළ හැකි ඒවා පිළිබඳව අවධානය යොමු කර ඒ සඳහා කඩිනම් විසඳුම් ලබා දෙන්නැයි ගාමිණී කුලතුංග මහතාට ඇමැතිවරයා උපදෙස් ලබා දුන් බවද අමාත්‍යාංශ ලේකම්වරයා කීය. අනුරාධපුර බන්ධනාගාරයේ රැඳවියන් 600 කට අධික පිරිසක් සිටින අතර දඬුවම් නියම වූ රැඳවියන් ප්‍රමාණය 100 ඉක්මවයි. කාන්තා රැඳවියන් සංඛ්‍යාව 60 කි.  පෙරේදා (24) සිදුවූ ගැටුමින් තුවාල ලැබූ රැඳවියන් 27 ක් බන්ධනාගාර නිලධාරීන් 08 ක් අනුරාධපුර රෝහලේ ප්‍රතිකාර ලබන අතර බරපතළ තත්ත්වයේ පසුවන රැඳවියකු කොළඹ ජාතික රෝහලට යවා ඇත.

.