බ්‍රිතාන්‍ය සොල්දාදුවෝ හාරදහසක් බුද්ධගයාවට සිංහල බෞද්ධ සහෝදරයිනි ධර්ම දානය හා “ආලෝකෝ උදපාදි” බුදු හාමුදුරුවෝ අම්පාර මොට්ටාගල දාගැබ විනාශයි සිංහල දරුවෝ චරිත පාරිශුද්ධියෙන් ඇතිවන ප්‍රියමනාප බව තිරියායේ ගිරිහඬු මහා සෑය යුරෝපයේ බෞද්ධ දේශය කල්මිකියා රාජ්‍යය ශාසන පරිහානියට වගකිවයුත්තේ කවුද? ධර්ම සාකච්ඡා අසිරිමත් කොසඹෑ නුවර උතුම් සමාජයක් ගොඩනැගීමට ඉවහල්වන සිව්බඹ විහරණ අ.පො.ස සා/පෙළ බුද්ධ ධර්ම පාඩම් මාලාව පෞද්ගලික දානයේ විපාක සමාජය නිසිමග යන්නේ ගෘහණිය නිසිමග ගිය විටය විලඳ පිදූ පිනෙන් දෙවඟනක් වූ ඇල් ගෙවිලිය සිත ඔප දමන භාවනාව ගන්ධාර කැටයම කර්ම විපාක පලදෙන හැටි බුදු දහමේ දැක්වෙන සද්ධා ගුණය රාහුල සංවාදය දුප්පතුන් ගේ මුනිවරයා වූමහා කාශ්‍යප මහ රහතන් වහන්සේ ඉල්ලිස ජාතකය අරි සඟ ගුණ

රාහුල සංවාදය

කුන්ද පුප් සමන් කස්තුරි කල්ක ගල්වමින් – රන්කෙඳි
බන්ද නෙත් සැලේ ලඹ දෙන වියන් පට මතේ
වින්ද යුතු සැපත් ඇතිරිලි යහන් ගැබ ඇතත් – නිරතුරු
නින්ද ඇයි? මෙසේ බිම කිව මැනවි මෑණියේ!

මැණික් රන් රිදී අබරණ පැලඳ සේද සළු - පට (+)පිළි
නොයෙක් රූ සරින් දාසියො සැවොම වැජඹෙති
මලක් වගේ සුසිනිදු බව රඳා ඇති නමුත් – දළ රෙදි
කඩක් කිම්ද? අම්මේ ඔබෙ සිහින් ඉඟ වටේ

කතා වක් නැතිව දිවැවිත් උදේ සිඹින විට – කම්මුල
ඉතා ලුණු රසයි, ඒ ඔබ තැවෙන හද නිසයි
හිතා පියතුමා ගැන වෙහෙසීම ඵලක් නැත - මොළකැටි
පුතා බල බලා සැනසෙනු මැනවි මෑණියේ!

කමල් වන ගැබින් පුස්කර සුවඳ අලළමින් – කැළඹුණු
කුරුල් ලන්ගෙ ගී රස මුසු මන්ද මාරුතේ
මගුල් බෙර හඬක් මෙන් කවුළුවෙන් දිව එතත් - රොද බැඳ
තැවුල් සිතින් පසුවෙනු කිම? අම්මෙ කිව මැනේ!

මැණික් ඔඩම්වල තිබුණත් අමා රස බොජුන් – දිනකට
වරක් බැගින් යම් කිසි රළු දෙයක් ගිල දමා
කුමක් පිණිස මේ දහදුක් විඳින්නෙද අනේ! - මහරජ
දුවක් නොවෙද? අම්මේ ඔබ මහත් දඹදිවේ

නිල් ගුවන් කුසේ බබළන තරු කැලක් ලෙසේ - ලෙල දෙන
මල් පටින් ගොතා හිස සෙසු කුමරියෝ සිටිත්
සිල් අරන් නිතර ගැබ තුළ අඬ අඬා සුසුම් - හෙලමින
දල් වමින් පහන් තනියම මන්ද මෑණියේ?

පියා මා උපන් දිනෙහිම අසෙකු පිට නැඟී - ගඟකින්
ගියා එතර වී රහසින් ඇසළ පෝ දිනේ
එයා බුදු වුණත් කම් නැත අල්වා අත ගෙන – එමි මම
සොයා යන්ට අවසර දෙනු මැනවි! මෑණියේ

ඕලු මලක් මෙන් පරවුණු මහලු සිරුර දැන් – පණ නැති
වීලු ඒ නිසා දැක ගන්නට සිතයි කියා
යාලු වී ගොසින් කැඳවා එන්ට පුතණුවන් – විගසට
කාලුදායි වෙත ආතා පැවරුවා උදේ

මීතොටමුල්ලේ යූ.ඒ.ඇස්. පෙරේරා

.