පොලිස් අත්අඩංගුවේ සිටි තරුණයෙක් ඉහළ කොත්මලේ ජලාශයට පනී මස් වැද්දන්ගේ උගුලට හසු වූ අඳුන් දිවියා දිවි පුදයි ලක්ෂ 35ක් වටිනා අභ්‍යාස පොත් මැතිවරණ සමයේ බෙදාදීම ගැන විධිමත් පරීක්ෂණයක් කරන්න අතවරයට ලක්ව ගැබ්ගත් දැරිය වෙනුවෙන් ගබ්සාවක් ඉල්ලා, වෛද්‍යවරු උසාවි යති අධිවේගී වැඩබිමේ රියදුරු කපා කොටා මරා දමලා ලක්ෂ 10ක් වටිනා ගංජා කිලෝ 100ක් තණමල්විල දී අත්අඩංගුවට මිල්ලනියේ අක්කර 17ක් අස්වද්දන්න රුපියල් කෝටි 14ක ප්‍රතිපාදන පදිංචි නිවෙස නාය ගිහින්: අසරණ පවුලට පිහිට වුණොත් පින් බස්නාහිර කලා කටයුතු නංවන්න දස ලක්ෂ 44ක ප්‍රතිපාදන කුණු දැමූ ඉඩමේ අයිතිකරු හා නගරසභාව සමථයට පැමිණ අධිකරණයට දන්වන්න වතුර ගෙන ඒමට ළිඳට ගිය මම අම්මා ළිඳේ පාවෙනවා දැක්කා

 තලවකැලේ බාබුල් ළඟ තබාගෙන සිටිය දී අසු වී

පොලිස් අත්අඩංගුවේ සිටි තරුණයෙක් ඉහළ කොත්මලේ ජලාශයට පනී

සිරුර ඊයේ සවස සොයාගනී

අසේල කුරුළුවංශ

බාබුල් මත්ද්‍රව්‍ය ළඟ තබාගෙන සිටි බව කියන තරුණයකු අත්අඩංගුවට ගෙන තලවාකැලේ පොලිසිය වෙත රැගෙන යමින් සිටියදී සැකකරු පොලිස් අත්අඩංගුවෙන් මිදී පලාගොස් ඉහළ කොත්මලේ ජලාශයට පැන ඇත.

ජලාශයට පනින ලද තරුණයා දියේ ගිලී අතුරුදන්ව ඇති අතර නාවික හමුදා නිලධාරීන්ගේද සහාය ලබාගනිමින් ජලාශය ආශ්‍රිතව සොයා බලද්දී සිරුර ඊයේ සවස හමු වී ඇත.

ඉකුත් 31 දා පස්වරු 2.00ට පමණ මේ තරුණයා පොලිස් අත්අඩංගුවෙන් මිදී පලාගොස් ජලාශයට පැන තිබේ.

ජලාශයේ ගිලී මිය ගොස් ඇත්තේ තලවාකැලේ ගල්කන්ද වත්තේ පදිංචි මාරිමුත්තු මනෝජ් නැමැති 21 හැවිරිදි තරුණයෙකි.

මේ සිද්ධිය සම්බන්ධයෙන් තලවාකැලේ පොලිසියට එරෙහිව තලවාකැලේ පූඬළුඔය මාර්ගය අවහිර කැරමින් ප්‍රදේශවාසීන් උද්ඝෝෂණයකද නිරත වූහ.

උද්ඝෝෂකයින් අතරට පැමිණි නුවරඑළිය ජ්‍යෙෂ්ඨ පොලිස් අධිකාරී අනුර අබේවික්‍රම මහතා පැවැසුවේ සිද්ධිය පිළිබඳ සහකාර පොලිස් අධිකාරිවරයකුගේ මෙහෙයවීමෙන් පරීක්ෂණයක් පවත්වන බවයි.

සිද්ධියට සම්බන්ධ පොලිස් නිලධාරීන් දෙදෙනා වහාම ක්‍රියාත්මක වන පරිදි නුවරඑළිය පොලිසියට මාරුකර යවා ඇත. මේවනවිට තලවකැලේ ප්‍රදේශයට වි‍ශේෂ පොලිස් ආරක්ෂාවක් සපයා තිබේ.

ඡායාරූප

අසේල කුරුළුවංශ