ආසියානු යොවුන් ක්‍රීඩා උළෙලට ශ්‍රී ලංකා පිල සූදානම් ආසියානු කනිෂ්ඨ රගර් තරගාවලියට යන ශ්‍රී ලංකා පිල අද ඇමැති අනුමැතියට පාකිස්තාන-ඇෆ්ගනිස්තාන විස්සයි20 තරගයක් දෙසැම්බරයේ තුර්කියේ ක්‍රීඩක ක්‍රීඩිකාවෝ 31කට තරග තහනමක් ශ්‍රී ලංකාව තවමත් අංක එකේ පාසල් පාපන්දු සංගමයට නව නිවහනක් ගම්පහ බණ්ඩාරනායක විදුහලට ජය මාතර රාහුල විදුහලට බැඩ්මින්ටන් ශූරතාවක් ජනසතු සේවා මේස පන්දු තරගාවලිය

පාසල් පාපන්දු සංගමයට නව නිවහනක්

ප්‍රින්ස් ගුණසේකර

ලෝක පාපන්දු සම්මේලනයේ දකුණු ආසියානු කලාපීය සංවර්ධන නිළධාරී සාජී ප්‍රභාකරන් හා පාපන්දු සභාපති රංජිත් රුද්‍රිගු මහතා පාසල් පාපන්දු කාර්යාලය විවෘත කළ අයුරු.

ශ්‍රී ලංකා පාපන්දු සම්මේලන නිවහනට පාසල් පාපන්දු සංගමය ඊයේ සුබ මොහොතින් පිවිසුණි. පාපන්දු සභාපති රංජිත් රුද්‍රිගු මහතාගේ අදහසකට අනුව පාපන්දු මූලස්ථානයේම පාසල් පාපන්දු සංගමයට කාර්යාලයක් ලබාදුන් අතර ලෝක පාපන්දු සම්මේලනයේ දකුණු ආසියානු කළාපීය සංවර්ධන නිළධාරී සාජී ප්‍රභාකරන් මහතා එය විවෘත කළේය.

මෙහිදී අදහස් දැක්වූ ශ්‍රී ලංකා පාපන්දු සම්මේලනයේ සභාපති රංජිත් රුද්‍රිගු මහතා පැවැසූවේ පාසැල් පාපන්දු නඟා සිටුවීම සදහා ලබා දිය හැකි උපරිම සහයෝගය ලබාදීම පාපන්දු විධායක සභාවේ එකම අදහස බවයි.

“දැනට වඩා පාසල් පාපන්දු දියුණු විය යුතු බව මා විශ්වාස කරනවා. රටේ පාපන්දු නඟා සිටුවීමට පාසල් කාලයේ ක්‍රීඩකයන් ක්‍රීඩාවට යොමු වීම ඉතාම වැදගත්.

ඉදිරියේදී රට පුරා පාසල් පාපන්දු දියුණු කිරීමට කටයුතු කරනවා.

එහි පළමු පියවර ලෙස කාර්යාලයක් දිය යුතු බව කල්පනා කළා" රුද්‍රිගු මහතා පැවැසීය. පාසල් පාපන්දු කාර්යාලය විවෘත කිරීමේ අවස්ථාවට පාපන්දු ලේකම් උපාලි හේවගේ, පාසල් පාපන්දු සංගමයේ සභාපති යූ.ජී.ජී.ඩී.ආරියරත්න හා අධ්‍යාපන අමාත්‍යාංශයේ නිලධාරීන් ඇතුලු විශාල පිරිසක් සහභාගී වූහ.

.