සංචාරක වීසා ඇති විදේශිකයන්ට සල්ලි ගරන්න සහතිකයක් සහතික ලබාදීමට වීසා කාලය බලන්නේ නෑ මානව අයිතිය පිළිබඳ චෝදනා කරන්නේ කතා කරන්නට දෙයක් නොමැති අයයි යුද අත්දැකීම් නොසලකා හදන පිල්ලේ නෝනාගේ වාර්තාව විනිවිද බවෙන් තොරයි ත්‍රි’මලේ සිසුන් 5ක් ඝාතනයට සැක STF සෙබළු 13 දෙනා යළි රිමාන්ඩ් පිල්ලේ නෝනා කොටි සමරා මල් වඩම් තැබීමට තැත් කිරීම විහිළුවට කරුණක් ප්‍රභාකරන් වීරයකු ලෙස නම් කිරීම විග්නේෂ්වරන් දැරූ විනිසුරු අසුනට කළ අපහාසයක් පොදු රද මඩුලු සමුළුවෙන් මෙරටට ලබා ගත හැකි දැනුම අවබෝධය ඉතා විශාලයි ඡන්දයට හැඳුනුම්පත් ගැනීමේ කාලය දීර්ඝ කරයි බයිට් වූ මිහිර නඩු මගට බඩු දුම්රියේ ගැටී වන අලියෙක් මරුට ඇතැම් පක්ෂවල ප්‍රතිපත්තිය වාද වපුරා රට බේද භින්න කිරීමයි ජනපති ඒකාධිපතියකු යැයි කියන්නේ පුල්ලි නැති කොටි පිල්ලියක් පමණයි බලපත්‍ර කොන්දේසි උල්ලංඝනය කළ වැලි ටිපර් 8ක් මහනුවර දී කොටු වෙලා පොදු රද සමුළුවට බ්‍රිතාන්‍ය අගමැතිගේ සහ විදේශ ඇමැතිගේ පැමිණීම ස්ථිරයි වාස්ට ඇප ලැබුණත් අනෙක් චෝදනා 2ට රිමාන්ඩ් රාජ්‍ය සේවකයාගේ ආර්ථිකය ශක්තිමත් කරන්න ඉදිරියේදී වැඩපිළිවෙළක් ක්‍රියාත්මක කරනවා දුම්කොළ විරෝධී ජගත් විශිෂ්ටතා සම්මානයෙන් පිදුම් ලැබූ ඇමැති මෛත්‍රීපාල සිරිසේන මහතා සරසවිවලට සිසුන් 24000ක් බඳවා ගැනීමට පියවර විපක්ෂයට ඡන්ද කාර්යාලයක්වත් විවෘත කරගන්න නොහැකි වෙලා බුලට් එක වෙනුවට බැලට් එක උතුරට ලබා දුන්නේ මේ රජයයි උතුරු නැඟෙනහිරින් 80%ක් රනිල් එදා එල්ටීටීඊයට බාර දුන්නා ‘පිල්ලේගේ ප්‍රකාශයේ කරුණු 6ක් ගැන ස්තූති කළ යුතුයි’ අපේ කෘෂි කර්මාන්තය නැංවීමට රුසියා සමූහාණ්ඩුවේ එකඟතාව රැදවියන් ප්‍රවාහනයට බස් රථ 8ක් විග්නේෂ්වරම්ගේ කතාව තරයේ හෙළා දකිනවා ගුණාත්මක දේශීය නිෂ්පාදන ජනතාවට ලබා දීම රජයේ අරමුණයි බියගම විලේජ් අධිපති ඝාතන නඩුව අධි බලැති බෝම්බයක් ළඟ තබාගත් සැකකරුට වසර 10ක සිර දඬුවමක් ශ්‍රී ලංකාවේ දුම්වැටි දැන්වීමේ ආදර්ශය තායිලන්තයේත් ක්‍රියාවට නැංවුවා මා දේශපාලනයට ආවේ දුප්පත්කම නැති කරන්නයි දරුවන්ගේ විභාග කඩාකප්පල් කිරීම කිසි ලෙසකින් සාධාරණීකරණය කරන්න බෑ ප්‍රතිපත්තියක් නැති එජාපය ගැන ජනතාව විශ්වාසය තබන්නේ නැහැ 147 වන පොලිස් දින සැමරුම

බුලට් එක වෙනුවට බැලට් එක උතුරට ලබා දුන්නේ මේ රජයයි

 ඇමැති ඩලස් අලහ‍ප්පෙරුම

සිතාරා සේනානි සහ නුවන් කොඩිකාර,

වසර විසිහතකට පසු උතුරේ ජනතාවට බුලට් එක වෙනුවට බැලට් එක ලබා දුන්නේ වත්මන් රජය බව ශ්‍රී ලංකා නිදහස් පක්ෂයේ භාණ්ඩාගාරික, යෞවන කටයුතු හා නිපුණතා සංවර්ධන ඇමැති ඩලස් අලහ‍ප්පෙරුම මහතා පවසයි.

උතුරු, මධ්‍යම හා වයඹ පළාත් සභා මැතිවරණයේ වත්මන් තත්ත්වය පිළිබඳ මාධ්‍ය දැනුවත් කිරීමේ මාධ්‍ය හමුවක් ශ්‍රී ලංකා නිදහස් පක්ෂ මූලස්ථානයේ ඊයේ (4) පැවැති අතර ඇමැති ඩලස් අලහප්පෙරුම මහතා අදහස් දැක්වූ අයුරු. ඇමැතිවරුන් වන ඩබ්ලිව්. ඩී. ජේ. සෙනවිරත්න, ඩිලාන් පෙරේරා මහත්වරුන් ද මෙම අවස්ථාවට සහභාගී වූහ. ඡායාරූපය - රොෂාන් පිටිපන

1982දී සංවර්ධන සභා මැතිවරණයේදී එවකට පැවැති එක්සත් ජාතික පක්ෂ රජය උතුරේ ජනතාවගේ ඡන්දය කොල්ලකෑම නිසා එම ජනතාවට ප්‍රජාතත්ත්‍රවාදය කෙරෙහි විශ්වාසය නැතිව ගිය බවත්, එල්.ටී.ටී.ඊ. සංවිධානය ආයුධ අතට ගැනීමට එම තත්ත්වය ආසන්ත හේතුව වූ බවත් ඇමැතිවරයා පවසයි.

ශ්‍රී ලංකා නිදහස් පක්ෂ මූලස්ථාන ශ්‍රවණාගාරයේ ඊයේ (4) පැවැති මාධ්‍ය හමුවේදී ඇමැතිවරයා මේ බව පැවැසීය.

උතුරු පළාත් සභා මැතිවරණය නිරෝගී ප්‍රජාතන්ත්‍රවාදය ගැබ්වූ මැතිවරණයක් ලෙස පැවැත්වීම සම්බන්ධයෙන් වඩාත්ම සතු‍ටු වන්නේ රජය බවත් හෙතෙම පැවැසීය.

ඇමැතිවරයා එහිදී මෙසේද පැවැසීය.

උතුරු පළාත් මැතිවරණයේ කටයුතු මේ වනවිට ඉතා සාමකාමී අන්දමින් සිදුකැරෙමින් පවතිනවා. 1982 සංවර්ධන සභා මැතිවරණයේදී එවකට පැවැති එජාප රජය යාල්දේවී දුම්රියෙන් කුරුණෑගල සිට යාපනයට මැරවරයන් යවා එම මැතිවරණය කොල්ල කෑවා. යාපනය පුස්තකාලය ගිනිතැබුවා. එම මැතිවරණය කොල්ලකෑමට සහභාගී වූ එක් පුද්ගලයකු අද ප්‍රධාන විපක්ෂයේ නායකයකු ලෙසත් කටයුතු කරමින් සිටිනවා.

එක්සත් ජාතික පක්ෂය උතුරේ මැතිවරණවලදී මෙලෙස කටයුතු කළත් ජනාධිපතිතුමා සෑම විටම කියා තිබෙන්නේ ලබන ජගග්‍රහණයට වැදගත්කමක් නැතිනම් එම ජයග්‍රහණයෙන් වැඩක් නැති බවයි. එතුමා උතුරෙන් බලාපොරොත්තු වන්නේ වැදගත්කමක් සහිත ජයග්‍රහණයක් පමණයි. 1984දී යාල්දේවි දුම්රියට ගිනිතැබුවා. එහෙත් එළැඹෙන 14වැනිදා යාල්දේවී දුම්රිය දකුණේ පොල් රුප්පාවේ සිට උතුරේ කිලිනොච්චියේ තල් රුප්පාව වෙත යළි ධාවනය කෙරෙනවා.

මේ ගමන මෙරට ජාතීන් අතර සංහිඳියාවේ පාලමක් ලෙස හැඳින්විය හැකියි.

පළාත් තුනේ මැතිවරණයේ එක්සත් ජනතා නිදහස් සන්ධානයේ පූර්ව මැතිවරණ ප්‍රචාරක කටයුතු මේ වනවිට ඉතා සාර්ථකව සිදුකැරෙමින් පවතිනවා. ප්‍රධාන රැස්වීම් 14න් පළමුවැන්න ජනාධිපතිතුමාගේ ප්‍රධානත්වයෙන් කුරුණෑගල මාළිගාපිටියේදී අති විශාල ජනකායකගේ සහභාගීත්වයෙන් පැවැත්වුණා. උප ප්‍රධාන රැස්වීම් 54න් 12ක් මේවනවිට අවසන්. ප්‍රාදේශීය රැස්වීම් 110න් 47ක් අවසන්. ඡන්දපොළ මට්ටමින් පැවැත්වීමට නියමිත රැස්වීම් 3330න් 1170ක් අවසන් ඉතිරි 1160 ඉදිරි දින දාහතර ඇතුළත පවත්වා අවසන් කෙරෙනවා.

මීට අමතරව අපගේ පක්ෂය මැතිවරණ කොට්ඨාස පනස් හතරේම මධ්‍යම බල මණ්ඩල සම්මන්ත්‍රණ පවත්වා අවසන්. මීට අමතරව සන්ධාන පාර්ලිමේන්තු මන්ත්‍රීවරුන් නාමල් රාජපක්ෂ මහතාගේ මූලිකත්වයෙන් සියලු අපේක්ෂකයන් වෙනුවෙන් රැස්වීම් පැවැත්වෙනවා. සන්ධානයේ සහෝදර පක්ෂවලින් වෙන වෙනමත් රැස්වීම් පැවැත්වෙනවා. ගෙන් ගෙට යාමේ කටයුතු උතුරු පළාතේ හැර අනෙක් පළාත්වල පසුගිය සතියේ ආරම්භ කළා. උතුරු පළාතේ මේ සතියේ ආරම්භ කරනවා.

මෙවර මැතිවරණයේදී මැතිවරණ නීති උල්ලංඝනය කිරීම් 91ක් සම්බන්ධ පැමිණිලි පොලීසියට ලැබී තිබෙනවා. එජාපයෙන් 3ක්, ජවිපෙන් 4ක්, දෙමළ සන්ධානයෙන් 5ක්, සමාජවාදී සමානතා පක්ෂයෙන් 1ක්, ලංකා කම්කරු කොංග්‍රසයෙන් 4ක්, මුස්ලිම් කොංග්‍රසයෙන් 2ක්, ප්‍රජාතන්ත්‍රවාදි පක්ෂයෙන් 2ක් හා සන්ධානයෙන් 40ක් වශයෙන් මේ පැමිණිලි වාර්තාවී තිබෙනවා. සන්ධානයේ පැමිණිලි වාර්තා වී ඇත්තේ අපේ අපේක්ෂකයන් අතර ඇතිවූ සිද්ධීන් පමණයි. පක්ෂයේ අය අතර ඇතිව තිබෙන මේ සිදුවීම් සම්බන්ධයෙන් මැතිවරණ ප්‍රතිඵල නිකුත්වීමෙන් පසු රජය උපරිම ලෙසින් කටයුතු කරනවා.

.