සංචාරක වීසා ඇති විදේශිකයන්ට සල්ලි ගරන්න සහතිකයක් සහතික ලබාදීමට වීසා කාලය බලන්නේ නෑ මානව අයිතිය පිළිබඳ චෝදනා කරන්නේ කතා කරන්නට දෙයක් නොමැති අයයි යුද අත්දැකීම් නොසලකා හදන පිල්ලේ නෝනාගේ වාර්තාව විනිවිද බවෙන් තොරයි ත්‍රි’මලේ සිසුන් 5ක් ඝාතනයට සැක STF සෙබළු 13 දෙනා යළි රිමාන්ඩ් පිල්ලේ නෝනා කොටි සමරා මල් වඩම් තැබීමට තැත් කිරීම විහිළුවට කරුණක් ප්‍රභාකරන් වීරයකු ලෙස නම් කිරීම විග්නේෂ්වරන් දැරූ විනිසුරු අසුනට කළ අපහාසයක් පොදු රද මඩුලු සමුළුවෙන් මෙරටට ලබා ගත හැකි දැනුම අවබෝධය ඉතා විශාලයි ඡන්දයට හැඳුනුම්පත් ගැනීමේ කාලය දීර්ඝ කරයි බයිට් වූ මිහිර නඩු මගට බඩු දුම්රියේ ගැටී වන අලියෙක් මරුට ඇතැම් පක්ෂවල ප්‍රතිපත්තිය වාද වපුරා රට බේද භින්න කිරීමයි ජනපති ඒකාධිපතියකු යැයි කියන්නේ පුල්ලි නැති කොටි පිල්ලියක් පමණයි බලපත්‍ර කොන්දේසි උල්ලංඝනය කළ වැලි ටිපර් 8ක් මහනුවර දී කොටු වෙලා පොදු රද සමුළුවට බ්‍රිතාන්‍ය අගමැතිගේ සහ විදේශ ඇමැතිගේ පැමිණීම ස්ථිරයි වාස්ට ඇප ලැබුණත් අනෙක් චෝදනා 2ට රිමාන්ඩ් රාජ්‍ය සේවකයාගේ ආර්ථිකය ශක්තිමත් කරන්න ඉදිරියේදී වැඩපිළිවෙළක් ක්‍රියාත්මක කරනවා දුම්කොළ විරෝධී ජගත් විශිෂ්ටතා සම්මානයෙන් පිදුම් ලැබූ ඇමැති මෛත්‍රීපාල සිරිසේන මහතා සරසවිවලට සිසුන් 24000ක් බඳවා ගැනීමට පියවර විපක්ෂයට ඡන්ද කාර්යාලයක්වත් විවෘත කරගන්න නොහැකි වෙලා බුලට් එක වෙනුවට බැලට් එක උතුරට ලබා දුන්නේ මේ රජයයි උතුරු නැඟෙනහිරින් 80%ක් රනිල් එදා එල්ටීටීඊයට බාර දුන්නා ‘පිල්ලේගේ ප්‍රකාශයේ කරුණු 6ක් ගැන ස්තූති කළ යුතුයි’ අපේ කෘෂි කර්මාන්තය නැංවීමට රුසියා සමූහාණ්ඩුවේ එකඟතාව රැදවියන් ප්‍රවාහනයට බස් රථ 8ක් විග්නේෂ්වරම්ගේ කතාව තරයේ හෙළා දකිනවා ගුණාත්මක දේශීය නිෂ්පාදන ජනතාවට ලබා දීම රජයේ අරමුණයි බියගම විලේජ් අධිපති ඝාතන නඩුව අධි බලැති බෝම්බයක් ළඟ තබාගත් සැකකරුට වසර 10ක සිර දඬුවමක් ශ්‍රී ලංකාවේ දුම්වැටි දැන්වීමේ ආදර්ශය තායිලන්තයේත් ක්‍රියාවට නැංවුවා මා දේශපාලනයට ආවේ දුප්පත්කම නැති කරන්නයි දරුවන්ගේ විභාග කඩාකප්පල් කිරීම කිසි ලෙසකින් සාධාරණීකරණය කරන්න බෑ ප්‍රතිපත්තියක් නැති එජාපය ගැන ජනතාව විශ්වාසය තබන්නේ නැහැ 147 වන පොලිස් දින සැමරුම

උතුරු නැඟෙනහිරින් 80%ක් රනිල් එදා එල්ටීටීඊයට බාර දුන්නා

 ඇමැති එස්.බී.දිසානායක

මුස්ලිම් ලෝකය විනාශ කළ ඇමරිකාවත් එක්ක හිට ගත්ත රනිල්ට අපේ මුස්ලිම් ජනතාව එකතු වන්නේ නැතැයි උසස් අධ්‍යාපන ඇමැති එස්.බී.දිසානායක මහතා ප්‍රකාශ කළේය.

ඊශ්‍රායලයෙන් පලස්තීන ජනතාවට පහර දෙන විට මෙන්ම අමෙරිකාව ඉරාකයට පහර දෙන විටත් ඊට විරුද්ධව නැඟී සිටි නායකයා ජනාධිපති මහින්ද රාජපක්ෂ මහතා බවද දිසානායක මහතා කීවේය.

මුස්ලිම් ලෝකයේ සමූල ඝාතනයක් කරන අමෙරිකාවත් එක්ක එකතු වෙන්න මේ රටේ මුස්ලිම් ජනතාවට අයිතියක් නැතැයි ද ඒ මහතා කීවේය.

මහනුවර හාරගම පැවැති ජන හමුවකට සහභාගී වෙමින්ඇමැතිවරයා මේ අදහස් පළ කළේය.

එහිදි දිසානායක මහතා මෙසේද කීවේය.

ඉරාකය, ලිබියාව අමුමිනී පාරේ ගඳ ගහන කුණු වන සොහොන් පිටි බවට පත් කළේ අමෙරිකාවයි. එවැනි තත්ත්වයක් යටතේ අමෙරිකාවත් එක්ක හිටගත්ත රනිල් වික්‍රමසිංහත් එක්ක අපේ මුස්ලිම් ජනතාව හිටගන්නේ කොහොමද?

අද මරණ බිය නැහැ. පාසලට දරුවා යවන්න බය නැහැ. කෝච්චියක යන්න බය නැහැ. ඒ මරණ බය ඉවත් කරගෙන අපි නිදහසේ ජීවත් වෙනවා. ඔවුන්ගේ විකල්ප ඊලාම් රාජ්‍යය මහා බිතාන්‍යය හදලා ඉවර බව අමතක කරන්න එපා.

පසුගිය දවස්වල විශ්වවිද්‍යාල කථිකාචාර්යවරු යාපනයෙන්, මඩකළපුවෙන්, පේරාදෙණියෙන් සහ සබරගමුවෙන් ඇවිත් දෙමළ භාෂා සංවර්ධනය පිළිබඳ වැඩමුළුවකට යන්න මගෙන් උදව් ඉල්ලුවා. මම අත්සන් කරලා දුන්නා .

මේ හතර දෙනා ඊලාම් සමුළුවකට සහභාගී වුණා කියලා මට දැන ගන්නට ලැබුණා. අවස්ථාව ලැබුණු පළමුවෙනි මොහොතේම නැවත මේ රටේ යුද පිටියක් කරන්න අමෙරිකා එක්සත් ජනපදය, කැනඩාව, ප්‍රංශය, ජර්මනිය, ඕස්ට්‍රේලියාව වැනි රටවල්වල සිටින කොටි සූදානමින් සිටින බව අමතක කරන්න එපා. එහෙම තිබෙද්දි අපි රනිල්ට මේ රට බාර දෙන්න හදන්නේ.

එදා රනිල් තාවකාලිකව උතුරු නැඟෙනහිර ප්‍රදේශවලින් සියයට 80ක් එල්.ටී.ටි.ඊයට බාර දුන්නා. එල්.ටී.ටී.ඊ සමඟ සාම සාකච්ඡා අත්සන් කළා. මේ ගිවිසුම අත්සන් කරන්න රනිල්ට ප්‍රභාකරන් වවුනියාවෙන් එහාට යන්න දුන්නේ නැහැ.

ප්‍රභාකරන් කිලිනොච්චියේ ඉදලා රනිල්ට කිව්වේ වවුනියාවට ඇවිත් පාර අයිනේ මේසයක් තියාගෙන අත්සන් කරපන් කියලයි. එහෙම තමයි කළේ. එහෙම කරලා නෝර්වේ නියෝජියන් අතේ තමයි කිලිනොච්චියට ඇරියේ. අපි ඒ ප්‍රභාකරන්ගේ රාජධානියේ අද යාපනයේ විශ්වවිද්‍යාලයේ ඉංජිනේරු පීඨය සහ කෘෂිකර්ම පීඨය ගොඩ නඟමින් ඉන්නවා.

මේ ශ්‍රී ලංකාවද එක්සත් ජාතික පක්ෂයට දෙන්න හදන්නේ. එදා තාවකාලික ව උතුරු නැඟෙනහිර ප්‍රභාකරන්ට භාර දෙන කොට, උතුරේ දෙමළ ජනතාව, එක්සත් ජාතික පක්ෂයේ මුස්ලිම් මන්ත්‍රීවරු මෙන්ම, මුස්ලිම් කොංග්‍රසයේ මන්ත්‍රීවරු සියලු දෙනා රනිල්ට කිව්වා මුස්ලිම් ප්‍රදේශ දෙන්න එපා කියලා. රනිල් ඒවා ඇහුවේ නැහැ. රනිල් ප්‍රභාකරන්ට ඒවා දුන්නා. ‍‍රටේ සංවර්ධනය වේගයෙන් වැඩි වේගෙන යනවා.

දැන් අපි වේගයෙන් නැගිටින්න උත්සහ කරනවා. එසේ නැගිටින කොට සංක්‍රාන්ති අවධියේ ජීවන බර ජනතාවට තදින් දැනෙනවා. ජීවත් වෙන්න බැහැ. ‍ඉවසුවා ඇති . මේ රජය පෙරළමු ආදී නොයෙක් කතා කියනවා.

නමුත් ජනතාව හොදින් දැනුවත් වෙලා ඉන්නවා. අද උගත් තරුණයාගේ ශක්තිය තේරුම් ගත්ත රාජ්‍ය නායකයෙක් රාජ්‍ය පාලනය කරනවා. සියලු දෙනා මේ අවස්ථාවේ රජය සමඟ එක්ව කටයුතු කළ යුතු වෙනවා. එසේ රජය ශක්තිමත් කිරීමෙන් රටේ අනාගතය ශක්තිමත් කළ හැකියි.

පාර්ලිමේන්තු මන්ත්‍රී දිලුම් අමුණුගම, පාර්ලිමේන්තු මන්ත්‍රීනි උපේක්ෂ ස්වර්ණමාලී, පාර්ලිමේන්තු මන්ත්‍රී මනූෂ නානායක්කාර මහත්වරු ඇතුළු විශාල පිරිසක් මේ අවස්ථාවට සහභාගී වුහ.

.